Pjesa e parë e ditës do të jetë në mbizotërimin e kushteve të qëndrueshme atmosferike të cilat do të sjellin kthjellime dhe kalime të pakta vranësirash në zonat malore. Sipas Meteoalb, në pjesën e dytë të ditës pritet që vranësirat të shtohen përkohësisht në vend, duke krijuar mundësi për reshje të pakta dhe të izoluara shiu në zonat veriore të Shqipërisë.
Temperaturat e ajrit do të ulen në mëngjes, por do të rriten lehtë në mesditës duke luhatur vlerat ditore nga 10°C deri në 32°C. Era do të fryjë e lehtë dhe mesatare me shpejtësi 35 – 40 km/h nga drejtimi Jugor duke krijuar në brigjet detare dallgëzim 3 – 4 ballë.
