Ngjarja e rëndë që ndodhi pak pas mesnate në Sarandë i tronditi të gjithë.
Një 17-vjeçar ka ndërruar jetë pasi fatkeqësisht e ka zënë poshtë ashensori në lokalin ku ai punonte si ndihmës kamarier.
Ashensorit i cili shërbente kryesisht për furnizimin e lokalit iu këput kavoja. Reagimet në rrjet kanë qenë të shumta për familjen që ka hapur dyert e mortit për të përcjellë në banesën e fundit 17-vjeçarin në lule të rinisë, që i mori jetën tragjikisht ashensori.
Policia vënë në pranga një 43-vjeçar i cili rezulton se ka montuar ashensorin, ndërsa është shpallur në kërkim pronari i këtij biznesi të quajtur “Orange Club”.
I ndjeri është 17-vjeçari Antonio Delilaj, ndërsa është prangosur Lulzim Allkushi, montuesi i ashensorit dhe është shpallur në kërkim Spiro Iliadhi, pronari i lokalit të natës.
