Ngjarja e Shkodrës, ku Alma Arrizi vendosi që t’i japë fund jetës duke u hedhur në lumin Buna, ëshët kthyer në temën e ditës në vendin tonë.
Gazetari dhe autori i emisionit “Piranjat” Taulant Koplikaj, i ftuar në Ora News ka deklaruar se pavarësisht dhunës së faktuar nga 31-vjeçari, fajtore në këtë tragjedi është edhe nëna e tre fëmijëve.
Sipas tij, Alma mund të kishte zgjidhje të tjera përveç vetëvrasjes.
“E vërteta po qëndron e fshehur dhe nuk po arrijmë të kuptojmë se çfarë ka ndodhur. Prokuroria i ka faktet e dhunës së bashkëshortit. Sipas prokurorisë ka një dhunë që ka ardhur si pasojë e një lidhje jashtëmartesore e bashkëshortit.
Kjo është një temë shumë delikate. Marr guximin të them se njëlloj është një nënë që i ka hedhur fëmijët në lumë. Kemi një martesë të këtij personi shumë të re dhe është baba në një moshën 21-vjeçare. Kemi të bëjmë me një baba të përkushtuar. Ka krijuar një lidhje? Ta themi që po! Ka ushtruar presion ndaj gruas për ta larguar? Mund të ketë ndodhur edhe kjo. A mund të kishte zgjidhje të tjera kjo zonjë me fëmijët e saj?”, tha Koplikaj.
