SPAK ka konfiskuar 6 pasuritë e trafikantit Erjet Strefi dhe të të afërmeve të tij. Strefi ka qenë i shpallur në kërkim që prej vitit 2019 për drogë.
Në vitin 2016, Strefi prodhoi dhe tregtoi në bashkëpunim me një organizatë kriminale metamfetmatinë në Çeki e Holandë.
GJKKO ka konfiskuar një vilë 2 katëshe në Dhërmi, dy apartamente në Selitëm, një mjet BMW dhe dy ara me sipërfaqe nga 500 m2 në fshatin Krujte e Poshtme në Lushnjë të cilat do i kalojnë shtetit.
Paratë e sekuestruara:
1. Pasuri e paluajtshme vilë 2 katëshe në Dhërmi, në kompleksin turistik “Ionian Olea”, me sipërfaqe totale ndërtimi 151,8 m² dhe sipërfaqe totale trualli 217,16 m², në pronësi eventuale të shtetases E.S;
2. Pasuri e paluajtshme e llojit apartament, me sipërfaqe 56.20 m², në Selitë, Tiranë, në pronësi të shtetasit Erjet Strefi;
3. Pasuri e paluajtshme e llojit apartament, me sipërfaqe 74.40 m², në Selitë, Tiranë, në pronësi të shtetasit Erjet Strefi;
4. Pasuri e paluajtshme e llojit tokë arë, me sipërfaqe 500 m², në fshatin Krutje e Poshtme, Lushnje,me bashkëpronarë shtetasit J.S dhe H.S.
5. Pasuri e paluajtshme e llojit tokë arë, me sipërfaqe 500 m², në fshatin Krutje e Poshtme, Lushnjë, me bashkëpronarë shtetasit J.S dhe H.S.
6. Pasuri e luajtshme autoveturë e markës “BMË”, tipi: 3D, vitprodhimi 2012, në pronësi të shtetasit N.S.
