Jasir Asani ka debutuar në Ligën e Kampionëve të Azisë, me sulmuesin e Kombëtares që ishte protagonisti kryesor në fitoren që Gwangju arriti përballë japonezëve të Yokohama Marinos me rezultatin e thellë 7-3.
Në minutën e dytë të takimit, sulmuesi kuqezi lëvizi nga e djathta drejt qendrës dhe me të majtën nga distanca për të kaluar në avantazh koreano-jugorët. Por nëse i pari ishte një “perlë”, atëherë goli i dytë ishte për t’u vendosur në vitrinë.
Në minutën e 55’, sulmuesi i Kombëtares mori sërish një top në të majtë dhe me një lëvizje të bukur goditi me hark nga krahu, duke tundur rrjetën njësoj si me Poloninë në “Air Albania” një vit më parë, me gola të tillë që tashmë duhen quajtur “Alla-Asani”.
Në minutën e 68’, 29-vjeccari dha një asist për Mikeltadzen i cili shënoi golin e katërt për skuadrën e tij, ndërsa në fund ishte gjeorgjiani që asistoi Asanin, i cili kompletoi tripletën e tij.
Jeden z wielu “popisów” defensywy Marinos w dzisiejszym meczu i Asani kompletujący hat-trickapic.twitter.com/ZbTppYAd9C
— JapońskaPiłka 🇯🇵 (@japonskapilka) September 17, 2024
Kështu Gwangju shkon në vendin e parë të grupit të Lindjes në Ligën e Kampionëve të Azisë.
