Një atentat me armë zjarri ndodhi gjatë kësaj mbrëmje në Vlorë në lagjen “24 Maji”, ku si pasojë mbeten të plagosur 30-vjeçari Kevin Hajrulla dhe shitësi i dyqanit 35-vjeçari Armand Spahiu. Sipas policisë, 30-vjeçari ishte duke udhëtuar me makinën e tij “Benz” në momentin kur qellojnë drejt saj. Të plagosurit janë transportuar në spitalin e Vlorës dhe ndodhen nën kujdesin e mjekëve.
“Mbrëmjen e sotme, rreth orës 21:30, në lagjen “24 Maji”, Vlorë, në rrethana ende të paqarta, është plagosur me armë zjarri shtetasi K. H., rreth 30 vjeç, i cili udhëtonte me një automjet tip “Benz”. Si pasojë e të shtënave, është plagosur me armë zjarri edhe shtetasi A. S., 35 vjeç, i cili ndodhej në afërsi në momentin e ngjarjes.
Të dy personat janë transportuar menjëherë në Spitalin Rajonal Vlorë dhe ndodhen nën kujdesin e mjekëve.
Gjatë krehjes së zonës në afërsi të fshatit Panaja, është bërë i mundur lokalizimi i automjetit të dyshuar të përdorur nga autorët, i cili është përfshirë nga flakët. Po punohet për shuarjen e zjarrit.
Shërbimet e Policisë kanë mbërritur menjëherë në vendngjarje dhe po punojnë intensivisht për identifikimin dhe kapjen e autorit/autorëve të dyshuar.
Grupi hetimor po vijon punën për zbardhjen e rrethanave të plota të ngjarjes”, njofton policia.
