Një ngjarje e rëndë është regjistruar këtë mbrëmje në zonën e Kinostudios në Tiranë, ku kanë humbur jetën dy persona.
Ngjarja ka ndodhur në një banesë në rrugën “Marie Kraja”, ku dy persona të moshës 56 dhe 47-vjeç të identifikuar si Altin Maksuti dhe Vladimir Bengu, janë gjetur të pajetë, dyshohet pasi janë asfiksuar nga rrjedhja e gazit.
Njoftimi i policisë
Më datë 19.12.2024, rreth orës 17:20, në rrugën “Marije Kraja”, dyshohet se janë asfiksuar nga rrjedhja e gazit, pronari i banesës, shtetasi A.M, rreth 47 vjeç dhe një afërm i tij i largët shtetasi V.B, rreth 56 vjeç, të cilët kanë humbur jetën sipas konfirmimit të stafit mjekësor.
Grupi hetimor nën drejtimin e Prokurorisë po punon për sqarimin e rrethanave dhe dokumentimin e plotë ligjor të ngjarjes.
