Në një atmosferë që rivalizon entuziazmin e epokës së artë të retorikës, të rinjtë socialistë u shfaqën në Kuvendin Kombëtar të Partisë Socialiste me një zell që do t’ua kishte bërë zili edhe më të përkushtuarve të rinj të Partisë së Punës gjatë periudhës së komunizmit.
Fjalimet e të rinjve ishin të mbushura me lavdërime për arritjet e partisë dhe udhëheqësit e saj, duke premtuar se do të punojnë pa u lodhur për të çuar përpara vizionin socialist në zgjedhjet e ardhshme parlamentare të vitit 2025.
“Në trurin tim, PS-ja funksionon si një orbitë, si një sistem diellor, si dielli që ka gravitetin dhe sjell planetet. Dhe ne sillemi rreth diellit me gravitet”, tha një prej të rinjve.
Disa prej tyre madje propozuan që portretet e udhëheqësve aktualë të vendosen në çdo institucion publik, në mënyrë që qytetarët të frymëzohen nga shembulli i tyre i ndritur.
“Të dashur shokë dhe shoqe të Partisë Socialiste, ne jemi petalet më të bukura të trëndafilit socialist”, u shpreh një i ri tjetër.
Lexo edhe:
Ndryshime në qeveri? Asambleja Kombëtare e Partisë Socialiste mblidhet më 4 shtator
Rrëfehet Meridiani, i habit të gjithë me deklaratën: Luizin e kam shok prej vitesh, ai mbart diçka shumë të madhe brenda vetes
‘E prita gjithë natën’, mes lotësh flet burri i prostitutës shqiptare të vrarë në Itali: E kam dashur shumë…
