Gjatë një interviste televizive, Arben Ahmetaj denoncoi se Edi Rama ka qenë bashkë me bashkëshorten e tij, Linda Ramën, më shume se dy herë në një qendër deteksifikimi në Palaco Hotel në Bolzano të Italisë.
Sipas Ahmetaj, në këtë hotel kushtion 10 mijë euro java dhe faturat për çiftin Edi dhe Linda Rama i kishte bërë një biznesmen që si shpërblim merrte leje ndërtimi, por pa ia përmendur emrin.
Por, ndërkohë, gjatë seancës së sotme parlamentare, kreu i PD-së Sali Berisha ka denoncuar se biznesmeni që i ka paguar faturat e detoksifikimit për çiftin Edi dhe Linda Rama është bashkëshorti i moderatores, Alketa Vejsiu, Ardian Nelaj.
Sipas Berishsë, kjo është edhe arsyeja pse për bashkëshortin e Alketa Vejsiut, “kërcasin” lejet e ndërtimit nga jugu tek parku i Tiranës.
“I them Edi Ramës se nuk mund të fshihesh pas fustanit të Ajola Xoxës dhe as Erion Veliajt. Sepse populli i Tiranës ka protestuar 42 javë rresht te ajo bashki për arrestimin e tij. Po për turpin, turpin e atyre të cilët për të mbrojtur Edi Ramën, nuk e akuzojnë për 130 mln euro të zhdukura në inceneratorin e Tiranës. Më thoni mua si ndodh kjo. Nuk e akuzojnë. Ku është ajo ‘5B’, sille këtu Belindën. Ku është ‘5B’. Nuk e akuzojnë për 5D, nuk e akuzojnë për vjedhjet monstruozë të taksave, të taksave antikushtetuese. Po pse e akuzojnë thoni ju? E akuzojë se Edi Rama i jep për detoks, e dini ju ca është detoksi, 10 mijë euro detoksi dhe i paguan paratë bashkëshorti i Alketa Vejsiut dhe kërcasin lejet nga jugu tek parku i Tiranës për bashkëshortin e Alketa Vejsiut. Po detoksin nuk e bëri Erion Velaij. Detoksin e bëri Edi Rama. Me seanca, jo njëherë, por disa herë. Po ai tjetri që i paguante Edi Ramës, 12 chartera. Nuk ishte Erion Velaij me 12 chartera. Erion Velaij është një hajdut që përveç Ramës dhe Lubisë nuk ka shok në Shqipëri. Por nuk mund të tallet mercenar Dumani me qytetarët shqiptarë. Jo talljen nuk ta pranojmë ne. Ai harron, ai nuk e di se nga bashkia shkojnë atje poshtë qytetarët dhe e fshijnë.”– tha Berisha.
Ardian Nelaj në vendin tonë njihet si një biznesmen ndërtimi, por edhe si një mik i afërt i Edi Ramës. Ardian Nelaj është nga Vlora dhe prej shumë vitesh drejton biznesin e tij në fushën e ndërtimit.
Deklarata e Arben Ahmetajt: Po mirë, gazetarët investigativë, verifikoni ku ka qenë kreu i organizatës (Rama) në Palaco Hotel në Bolzano, qendër detoksifikimi. Ka qenë më shumë se dy herë. Ka qenë me zonjën e tij, personi kushton 10 mijë euro në javë. I ka paguar një biznesmen që është afër familjes dhe personi ka marrë në vazhdimësi leje ndërtimi. Le ta verifikojnë, Palace Di Merino, është një vend shumë i shtrenjtë, kanë qenë familjarisht, pa fëmijët dhe ka paguar biznesmeni që ka marrë leje ndërtimi. Ky që se ka tradhtuar asnjëherë Shqipërinë. Le t’i kërkojë SPAK-u, pse nuk i kërkon.
Lexo edhe:
Jamarbër Malltezi nxjerr “letrat”: Bashkëshorti i Alketa Vejsiut , Ardi Nelaj i Orion financon seancat e detoksit të Ramës në Bolzano dhe merr leje ndërtimi në Tiranë e Dhërmi, kurse SPAK merret me zekatin tim për fëmijët në nevojë
Burri i Alketa Vejsiut i pagoi Ramës shpenzimet marremendëse në qendrën e detoksifikimit në Bolzano ?
Oligarku Samir Mane zgjeron Green Coast, burri i Alketa Vejsiut merr fshat turistik në Palasë, KKT jep lejet e reja për shkatërrimin e jugut
