Si krerët e ONE Albania mbështetën korrupsionin në Shqipëri, faturat nga 5 mijë euro për Ajola Xoxën, Veliaj miratonte tenderët milionësh

Vazhdimisht Gazeta Jonë ka denoncuar rolin destruktiv të ONE Albania mbi median e lirë në vend dhe sponsorizimin e korrupsionit përmes praktikave të ndaluara dhe në konflikt interesi. Dosja e SPAK e zbardhur nga Gazeta Jonë zbulon se ONE Albania nga njëra anë financonte Ajola Xoxën dhe portalet e Veliajt dhe nga ana tjetër merrte tenderët e shërbimeve të telekomunikacionit nga Bashkia e Tiranës.

SPAK arrestoi Veliajn, tani e ka radhën hetimi i krerëve të ONE Albania , si u shantazhuan gazetarët dhe mediat që nuk i shërbyen kryebashkiakut

Sipas vendimit, thuhet se nga komunikimet është zbuluar se “Harabeli” i Ajola Xoxës financohej nga kompania ONE, e cila e sponsorizonte dhe përfitonte fonde publike nga Bashkia e Tiranës. Nga ana tjetër, kjo kompani është kliente, pra paguan për shërbime marketingu kompaninë “Gogel” sh.p.k., në pronësi të shtetasit Arbër Veliaj, vëllai i kryetarit të Bashkisë Tiranë, Erion Veliaj.

Kontrata me ‘Harabel’, sipas fotos së shkëmbyer mes bashkëbisedueseve rezulton të jetë lidhur më datë 27.10.2022 dhe ka për objekt të saj: Sponsorizimin, dhënien e një kontributi financiar ndaj Përfituesit të Sponsorizimit, nga shoqëria ‘One Telecommunications’, për të mbështetur këtë organizatë jofitimprurëse. Në faqen 977 shtetësja Ketrina Braho saktëson se sponsorizimi nga ‘ONE telecommunications’ bëhet për ‘Harabel’, ndërsa ai për ‘BYL-A’ bëhet nga Albtelekom, duke shtuar se duhet të procedojnë vetëm me faturën prej 5.000 eurosh nga ONE tek ‘Harabel’, ndërsa për pagesën tjetër do t’i njoftojnë ata (Albtelekom). Në faqen 983 Ketrina njofton Adelën se tashmë mund të presin dhe faturën e Albtelekom nga ‘BYL-A’, duke shfaqur gëzim për këtë lajm. E pyetur nga Adela nëse ata (kompania) ka thënë për ndonjë përshkrim, Ketrina i përgjigjet, jo, nuk më thanë përshkrim. Edhe nga kjo rezulton e qartë se lekët jepen, por as kuptohet përse jepen, për sa kohë vetë punonjëset e përfshira në detajet e përditshmërisë së këtyre organizatave nuk kanë asnjë ide si ta bëjnë përshkrimin në faturë”, thuhet në vendim. /gazetajonë

Lexo edhe:

860 mijë euro fustane, çanta dhe bizhu, mbi 100 mijë euro në kasafortë, ÇFARË gjeti SPAK te Harabeli i Ajola Xoxës dhe te shtëpia e Mirton Likës GJKK jep masë sigurie “arrest shtëpie” për Ajola Xoxën Berisha: Në “Harabelin” e Ajola Xoxës u gjetën 230 mijë euro, Alban Dabulla kërcënoi me “Xibrakën”