Pak orë më parë, lideri ukrainas Volodymyr Zelensky mbajti një fjalim natën vonë në samitin e Këshillit Evropian në Bruksel. Ai përshkroi shkatërrimin dhe dëmtimin e Rusisë ndaj vendit të tij dhe falënderoi Evropën për bashkimin në mbështetjen e saj për Ukrainën. Më pas, në stilin e tij karakteristik të çiltër, ai u tha udhëheqësve evropianë se ata kishin vepruar shumë vonë në ndalimin e Rusisë.
“Ju keni aplikuar sanksione, ju jemi mirënjohës. Këto janë hapa të fuqishëm. Por ishte pak vonë… mund të kishte një shans,” tha ai, duke shtuar se nëse do të kishte pasur sanksione parandaluese, ndoshta Rusia nuk do të kishte shkuar në luftë.
Ai gjithashtu vuri në dukje gazsjellësin Nord Stream 2, ku sugjeroi se nëse do të ishte bllokuar më herët, “Rusia nuk do të kishte krijuar një krizë gazi”.
Zelensky më pas iu lut vendeve fqinje që të miratojnë kërkesën e Ukrainës për t’u bashkuar me BE. “Këtu ju kërkoj të mos u vononi.”
Në javët e fundit Zelensky ka mbajtur shumë fjalime në parlamentet në mbarë botën dhe ai nuk ka pasur frikë të qortojë Perëndimin për atë që ai e sheh si dështimin e tij për të ofruar mbështetje të mjaftueshme.
