Prej gati pesë orësh, lagjet lindore dhe juglindore të Tiranës janë pa energji elektrike, pas një ndërprerjeje totale në nënstacionin e Uzinës së Traktorit. OSHEE njoftoi se shkak i blackout-it ishte një zjarr dhe se ekipet ishin në terren për të riparuar dëmin, por sipas banorëve, përveç propagandës, ende nuk ka një zgjidhje konkrete.
Ndërprerja e energjisë ka shkaktuar zemërim mes qytetarëve, të cilët ankohen për mungesën e informacionit dhe zvarritjen e rikthimit të furnizimit.
Situata ka marrë edhe një ngjyrim politik, pasi duket se ministrja Belinda Balluku nuk po e vret mendjen për zonën ku kryeministri Edi Rama ka caktuar Ervin Hoxhën si përgjegjës.
Balluku me sa duket po e neglizhon situatën, ose po e përdor ndërprerjen si një mënyrë për të sabotuar fushatën e tij, duke nxjerrë inatet e vjetra politike.
Ndërkohë, banorët e zonës vazhdojnë të qëndrojnë në errësirë, ndërsa reagimi i autoriteteve mbetet i ngadaltë dhe i paqartë./gazetajonë
Lexo edhe:
Tirana në “black out”, lagje të tëra pa energji prej gati një ore
Nuk kanë prodhuar asnjë kilovat energji, Belinda Balluku nis pagesën 68 mln euro për kompaninë offshore të TEC-ve lundruese
Rezultati për kandidatët/ 26 kuti të numëruara nga 1243, Belinda Balluku më e votuara nga PS në Tiranë, nga PD kryeson Belind Këlliçi
