Një lajm i mirë ka ardhur nga pediatria në QSUT. Pas 10 ditësh në terapi intensive në Reanimacionin e Pediatrisë në QSUT, vajza 7-vjeçare nga Shkodra e helmuar nga ilaçi i minjve i ka shpëtuar vdekjes.
Pas trajtimeve dhe kujdesit intensiv në këtë shërbim e mitura e ka kaluar rrezikun për jetën.
U bë e ditur se vajza tashmë ndodhet në gjendje të mirë shëndetësore, pritet të lërë spitalin për t`u kthyer në shtëpi.
Ditë më parë vajza humbi vëllain e saj 3-vjeçar, i cili nuk mundi t’i mbijetonte intoksikacionit të fortë nga ilaçi i minjve që prindërit kishin përdorur për të spërkatur një ambient pranë shtëpisë.
U mësua se 7-vjecarja sapo është bërë me një motër. Disa ditë pas tragjedisë, nëna e saj ka sjellë në jetë fëmijën e tretë e cila është vajzë. /gazetajone
