Kjo periudhë ka shënuar rikthim të rasteve me linë e dhenve apo variçelës siç njihet ndryshe. Mjekja pediatre Sonila Brati thotë se për të shkëputur zinxhirin e transmetueshmërisë së kësaj sëmundje e cila është ngjitëse duhet të shmangen çerdhet e kopshtet që në momentin që konstatohen simptomat e para.
“Ka një rikthim të lisë së dhenve apo variçela siç njihet ndryshe. Është evidentuar në periudhën e shtator-tetorit patëm një lloj ndërprerje dhe pastaj kemi një rikthim në këtë periudhë. Megjithatë krahasimisht me periudhën e një viti të kaluar, në janar, shkurt jemi pak më ndryshe, por vazhdojmë të kemi të njëjtën situatë.”- tha Sonila Brati, mjeke pediatre.
Nga ana tjetër për mjekët situata me gripin stinor po shkon drejt normalizimit duke qenë se dhe numri i vizitave mjekësore krahasuar me muajin janar thuajse është përgjysmuar.
“Diku te 25-30 vizita ne dite, gati gjysma e atyre që kemi patur në janar. Dominojnë disa problematika këtë periudhë, infeksione të rrugëve të sipërme respiratore që janë dominante tonsilitet, infeksione të rurgëve të poshtme respiratore, trakeobronkitet, bronshitet, pak më pakbronkopneumonitë. Kemi menxhuar pjesën më të madhe të rasteve nga ne përveç rasteve të rënda që është dashur të hospitalizohen atje.”- tha Sonila Brati, mjeke pediatre.
Megjithatë mjekët këshillojnë në çdo rast konsulta me mjekët e qendrave shëndetësore me qëllim që të mos kalohet nga një situate virale në bakteriale.
