Pamje të rënda vijnë nga aksidenti që ndodhi në orët e para të mbrëmjes te ‘Rruga e Kombit’ ku kanë mbetur të plagosur 7 persona.
Të plagosurit janë transportuar me urgjencë në spital.
Ngjarja ka ndodhur në afërsi të Rrëshenit.
Mes të plagosurve kanë qenë dhe tri vajza të mitura, të cilat udhëtonin me mjetin tip “Audi” së bashku me prindërit.
Nga ana tjetër, në automjetin tip “BMW” udhëtonin dy shtetase nga Kosova, me inicialet B. S. dhe M. S.
Janë dërguar në Spitalin Rajonal të Rrëshenit 4 nga të dëmtuarit, ndërsa 3 prej tyre janë transportuar për në Spitalin e Traumës Tiranë, ku paraprakisht ndodhen jashtë rrezikut për jetën.
Policia informon se ‘rreth orës 20:50, në autostraden “Rruga e Kombit”, në zonën e Rrëshenit, janë përplasur mjeti tip “Audi” me drejtues shtetasin A. M. dhe pasagjerë shtetasja D. M. e tre vajza të mitura ( familje), banuesë në Shëngjin, Lezhë, me mjetin tip “BMW” ku udhëtonin shtetaset B. S. dhe M. S. banuese në Kosovë.
Për pasojë janë lënduar fizikisht të gjithë personat që ndodheshin në mjetet e përfshira në aksident. Janë dërguar në Spitalin Rajonal të Rrëshenit 4 nga të dëmtuarit, ndërsa 3 prej tyre janë transportuar për në Spitalin e Traumes Tiranë, ku paraprakisht ndodhen jashtë rrezikut për jetën.
Grupi hetimor në vendin e ngjarjes vazhdon veprimet hetimore për zbardhjen e plotë të rrethanave të aksidentit’.
