Pasi doli informacioni se Irfan Hysebelliu ka foto të Ervin Salianjit, gjatë frekuetimit të Prestige Resort, “babalja”, ka shkuar me shpejtësi në vendin e ngjarjes, ku ndodhen ende fadromat e IKMT-së, që po merren me lirimin e bregtetit nga ndërtimet pa leje.
Salianji ka folur për më shumë se dhjetë minuta, pro Hysenbelliut dhe pro ndërtimeve pa leje.
“Nuk hyje dot në këtë resort sepse ishte Edi Rama dhe deputetë të Partisë Socialiste që qëndronte këtu dhe jepte mendime. Edi Rama mendon se është pronari i Shqipërisë dhe ndërhyn edhe te privatët duke thënë si duhet të jetë ngjyra, ku duhet të jetë pema. Si duhet të hidhen katet. Fatkeqësisht edhe kjo ndërhyrje kur vendos vetë nuk ka as ligj dhe as procedura që mund t’i qëndrojnë presionit politik dhe mafioz”, ka thënë Salianji, për të cilën nuk dihet se me kë është fotografuar dhe si është fotografuar.
Mero Baze me anë të një editoriali shkruante për foto të Salianjit në dhomat e hotelit, të cilat sipas tij dhe informacioneve që ai kishte i posedonte Irfan Hysenbelliu.
“Një mik i tij më tregoi në konfidencë dje, se tek dhoma ku flinte (nuk e di sa herë ka fjetur) Taulant Balla, Irfani ka fotografuar Salianjin duke hyrë dhe e ka nisur foton gjithandej, për të treguar se me kë e ka zëvendësuar. Nuk di sa e vërtetë është, por ideja duket origjinale e Irfanit dhe e besueshme”, shkruan Mero Baze.
Me tëj Baze ngrinte dyshime se fotot mund të përdoren më pas për të kërcënuar si në rastin e Taulant Ballës, ku i përmendej, qëndrimi dhe ngrënia.
“Patronazhistin’ e radhës, që i garanton biznesin politikisht. Dhe mendo pas ca vitesh se ç’mund të na tregojë se çfarë ka gjetur në dhomën e Salianjit apo Gridës, nëse ata nuk digjen me benzinë për të, siç duhej të digjej Taulanti”, shkruan ndër të tjera Baze.
