Një ngjarje e rëndë ka ndodhur mbrëmjen e sotme në Shkodër. Sipas policisë, një person ende i paidentifikuar ka vrarë me thikë një 15 vjeçar. Bëhet fjalë për Emiljano Gjonin, i cili u gjet i plagosur rëndë nga një kalimtar i rastit. Ky i fundit e dërgoi në spital, por fatkeqësisht i mituri nuk u mbijetoi dot plagëve të marra.
“Rreth orës 19:30, në zonën e Fermentimit, në lagjen “Skenderbeg”, dyshohet se gjatë një konflikti për motive të dobëta, një shtetas ende i paidentifikuar ka dëmtuar me mjet prerës (thikë), një të mitur 15-vjeç, i cili si pasojë e plagëve të marra ka ndërruar jetë në Spitalin Rajonal Shkodër. Shërbimet e Policisë kanë shkuar menjëherë në vendngjarje ku po punojnë për identifikimin dhe kapjen e autorit. Ndërkohë, vijon puna e grupit hetimor, për sqarimin e plotë të rrethanave të ngjarjes”,njofton Policia.
