Nëse së fundmi dikush ka hyrë në zonën tënde romantike dhe ke interes ta joshësh e ta bësh për vete, ne do të të këshillonim të përshtasje “stilin” tënd me shenjën zodiake të atij personi. Hidhi një sy kësaj kolone nëse herën tjetër planifikon të ndezësh zjarrin!
Të joshësh një Dash.
Kur flitet për fazën e vardisjes, Dashi kërkon persona të guximshëm dhe agresivë. Mos merr leje për një puthje, thjesht planifikoje një të tillë që të lë pa frymë dhe rrëmbeje sapo të gjesh momentin e duhur. Sa më energjik të jesh teksa i afrohesh, aq më mirë do të jetë. Dashi, në fakt mund të preket përballë komplimentave. Kështu këta miq duan ta dëgjojnë që janë njerëzit më seksi në atë vend. Nëse sapo e ke njohur një Dash, kundërshtoje lirisht. Debatet e gjalla funksionojnë si një afrodiziak për këtë shenjë.
Nëse je një Dash, stili jot i joshjes është i shpejtë, i sigurtë dhe i ëmbël. Të pëlqen të bësh hapin e parë dhe kjo qasje zakonisht ka rezultate fantastike. Ti e di rëndësinë e puthjes së parë dhe e zotëron mjaft mirë këtë teknikë.
Të joshësh një Dem.
Një garë me Demin mund ta fitosh vetëm nëse mban një ritëm të ngadaltë dhe të njëtrajtshëm. Sigurohu të shfaqesh në takimin e parë me një buqetë me lule ose ndonjë veprim tjetër vlerësimi nga ana jote. Demat i dashurojnë dhuratat. Një sprucim parfumi do të funksiononte si një magnet dashurie tek Demi, duke qenë se kjo shenjë është shumë e ndjeshme ndaj stimujve sensualë. Nëse ke një sens humori pikant, mos e mbaj për vete, Demit do i ndryshoje humorin.
Nëse je një Dem, të pëlqen të joshësh njerëzit me fjalë të buta, përkëdhelje dhe veprime të tjera të dashura. Aftësia jote për të bërë dhurata nuk ka të krahasuar, por edhe zëri yt i butë nuk të pengon aspak.
Si të joshësh një Binjak.
Rruga më e shpejtë drejt dhomës së një Binjaku është përmes trurit tyre. Pyete nëse do të mund të të rekomandonte ndonjë libër përshembull, atij i pëlqejnë shumë pyetjet apo bisedat intelektuale. Nëse ke njohuri të veçanta në një fushë, ndaji me të. Njerëzit e lindur nën shenjën e Binjakëve janë shumë të tërhequr pas ekspertëve. Sa më e errët dhe e panjohur të jetë tema jote, aq më mirë do të jetë për ty. Nëse Binjakët të flasin për një hobi me të cilin janë marrë së fundmi, mos harro t’u kërkosh një kurs intensiv dhe humori tyre rregullohet teksa ti i vë në dukje aftësitë që ka për të të mësuar.
Si të joshësh një Gaforre.
Këta fëmijë të Hënës janë tejet të butë në zemër. Kështu pra nëse do që të gjesh rrugën drejt dhomës së tyre të gjumit, trego anën tënde të butë. Shfaq interes për një bamirësi dhe sidomos për fëmijët! Gaforret pëlqejnë shumë të trajtohen si fëmijë, kështuqë do të ishte ide shumë e mirë po të gatuanit një vakt në shtëpi. Uli dritat dhe zgjidh një muzikë të lëhtë. Gaforrja reagon lehtësisht ndaj ambienteve romatike. Nëse ke përkrah një femër Gaforre, kërko leje për ta puthur, po nëse ke një mashkull Gaforre, bëje ti hapin e parë dhe më pas kërkoi falje që tregove guxim.
Nëse je një Gaforre, stili yt i joshjes është i butë dhe ushqyes. Të fshish lotët e dikujt me një puthje, është zakonisht hyrja jote drejt të bërit dashuri. Nëse dëshiron të bësh dikë skllavin e dashurisë tënde, dërgoi një çokollatë dhe viktima jote do të bjerë edhe më thellë me çdo kafshatë që do të bëjë.
Të joshësh një Luan.
Për t’ia dalë kësaj, fokusohu në këtë shenjë si një lazer. Komplimento mënyrën se si vishet, ushqehet e merr frymë. Trajtoje me më të mirat e mundshme, qoftë kjo në një restorant luksoz apo mbi një batanije për piknik. Kur dritat të ulen, kalo gishtat nëpër krifën e Luanit. Ai do të dorëzohet i tëri. Po të bësh dashuri më të, do të arrish kulmin.
Nëse je një luan, ti ke një personalitet joshës natyral. Është e vështirë që njerëzit t’i rezistojnë sharmit tënd dhe sidomos kur tregohesh bujar me trajtimin prej mbreti apo mbretëreshe që mund t’i bësh dikujt. Ti do i japësh objektit të dëshirës tënde më të mirën e të mirës, deri sa të arrish qëllimin.
Të bësh për vete një Virgjëreshë.
Pastërtia është padyshim një virtyt në momentin që do të joshim një Virgjëreshë. Sigurohu që çarcafët sapo t’i kesh ndërruar e t’i kesh vënë të pastër, përpara se të dështosh me këtë shenjë. Gjithashtu një ide e mirë do të ishte që të ndrish edhe ti vetë në mënyrë të pagabueshme. Një Virgjëreshë nuk do e ndizte asgjë më shumë se sa aroma e një sapuni francez. Pse jo të bënit një banjo së bashku përpara se të bënit dashuri!? Nëse je duke patur probleme qoftë edhe të sigurosh një takim me një Virgjëreshë, atëherë kërkoi të të ndihmojë për të rregulluar apo sistemuar një ambient tëndin. Kjo do të ishte një mënyrë e mirë për të thyer akullin me këtë shenjë të orientuar drejt shërbimit.
Nëse je një Virgjëreshë, stili jot i joshjes është plot hijeshi. Të paraprish nevojat e dikujt, jep rezultate të mrekullueshme. Ti je personi i parë që do i mbaje xhaketën dikujt, t’u hiqje një peshë të rëndë ose t’u ofroje një pije për t’u freskuar. Edhe aftësitë e tua komunikuese nuk janë për t’u lënë pasdore.
Të bësh për vete një Peshore.
Kur bëhet fjalë për të bërë për vete një Peshore të sofistikuar, do të ishte mirë të ringjallje shpirtin e Cary Grant ose Audrey Hepburn. Kjo shenjë ka nevojë ta ndiejë romancën nëpërmjet klasit të lartë. Mendo për shampanjë dhe një fustan mbrëmjeje në vend të birrave dhe futbollit. Peshoret e dashurojnë muzikën, kështuqë çoje në një koncert për të marrë rezultate mahnitëse. Si thua për një shfaqe në teatër ose opera? Do të ishte një ide e zgjuar nëse do të perfeksionoje teknikën tënde të të puthurit përpara se të bësh hapin e parë drejt saj. Kjo shenjë ka nevojë për një partner me finesë.
Nëse je një Peshore, joshja është “natyra” jote e dytë. Ti shkrin zemra me buzëqeshjen tënde verbuese dhe shikimin lozonjar. Ti gjithashtu je një dëgjues fantastik, gjë që mund të jetë ekstremisht joshëse. Nëse ke ndonjëherë dëshirë të çosh dikë në shtëpi, thjesht pyeti se çfarë i frymëzon dhe dëgjoi me vëmendje të madhe.
Si të joshësh një Akrep.
Është sfiduese të bësh për vete një Akrep duke qenë se është e vështirë të kuptosh reagimet e kësaj shenje. Mos u habit nëse përballesh me një buzëqeshje të padepërtueshme, kjo është thjesht mënyra e joshjes së Akrepit. Një hap i parë i mirëmenduar? Ftoje për të parë një film, kapi dorën dhe ledhatoi pëllëmbën. Bëj dashuri pa fjalë, lejoji trupat tuaj të bëjnë gjithë komunikimin.
Nëse je një Akrep, ti je një mjeshtër joshjeje. Ti e dashuron momentin kur e zhvesh dikë me sy. Shumica e njerëzve i përgjigjen pozitivisht fokusimit tënd. Ndonjëherë dikush mund të ofendohet, por kjo thjesht do ta bëjë sfidën më interesante për ty. Një ndër teknikat e tua të joshjes është të bësh njerëzit të rrëfehen për sekretet e tyre.
Si të joshësh një Shigjetar.
Shigjetarët i bën lehtësisht për vete me humor. Bëj disa shaka, dërgo disa mesazhe qesharake dhe kështu i bën për vete. Idea e të bërit dashuri në natyrë gjithmonë i eksiton. Ftoje një Shigjetar në një kamping, por sigurohu të marrësh një çantë fjetjeje dyshe. E fundit, por jo më pak e rëndësishme; njerëzit e kësaj shenje “drejtohen” nga vithet dhe kofshët, kështuqë bëj kujdes nëse nuk tregon interes ndaj këtyre zonave, mund ta bëni shumë serioz.
Nëse je një Shigjetar, ti ke një teknikë joshjeje shumë lozonjare. Ti e shpreh interesin ndaj dikujt duke e ngacmuar pak me bërryl, duke shpupuritur flokët etj. Aftësitë e tua për të treguar histori janë gjithashtu mjaft ngacmuese.
Si të joshësh një Bricjap. Bricjapi dinjitoz, mund të bëhet i turpshëm kur vjen puna tek sektori seksual, por ia vlen koha e shpenzuar me këtë shenjë seksi. Kufizojini puthjet e zgjatura që në takimin e parë. Herën tjetër që do të shiheni përkëdhele butësisht tek brinjët, në kurriz, qafë e shpatulla. Bëj një tërheqje strategjike nëse Bricjapi do të të kërkojë të mbarosh diçka që ke nisur. Thellë- thellë kjo shenjë e di që për gjërat e mira ia vlen të presësh. Nëse je një Bricjap, ti i bën të tjerët për vete me vetëbesimin tënd. Mënyra jote bindëse teksa porosit një gotë verë, diskuton për politikë dhe referon filma, jep rezultate shumë të mira. Shpeshherë ndodh që njerëzit të kenë frikë të të thonë “Jo!” për shkak të pamjes tënde prej një mjeshtri.
Si të joshësh një Ujor. Ujori mund të jetë një arrë shumë e fortë për t’u thyer kur vjen puna tek seksi. Nëse do të doje ta bëje për vete këtë shenjë, do të duhet të gjesh një mënyrë sa më origjinale. Thuaji se je duke bërë një kërkim për një klinikë seksi dhe që ke nevojë për ndihmën e tij për një eksperiment dhe bëja të qartë që të nevojitet ndihmë me anë të një prove. Sqaroja që nuk ke asnjë qëllim për një marrëdhënie fizike me të, por që këtë sakrificë do ta bësh për hir të shoqërisë. Sa më e pazakontë të jetë mënyra jote, aq më shumë do të tërhiqet Ujori. Të gjithë shenjat e ujit kanë një fazë rebelimi. Sfidoje të të puthë! Nëse je Ujor, ti i josh të tjerët duke luajtur rolin e kokëkrisurit të përmbajtur. Sa më i qetë të jesh, aq më e lehtë do të jetë për ty të tërheqësh romancën. Vështrimet e kujdesshme që ti u bën njerëzve, i fton ata drejt rrjetës tënde.
Të joshësh një Peshk. Nëse dëshiron të bësh një Peshk për vete, “transportoje” në një botë tjetër. Ftoje të shikojë nëpërmjet teleskopit tënd dhe t’i hedhë një sy akuariumit. Bëje lëvizjen tënde sapo ta shohësh Peshkun të zhytyr. Një puthje e shpejtë në qafë do të të drejtonte në gjëra më të mëdha. Peshqit kanë shumë zona erogjene për të cilat duhet të tregosh kujdes. Një fërkim miqësor i këmbëve do ndizte zjarrin e dëshirave. Nëse je një Peshk, ti i josh njerëzit me intuitën tënde ndaj ndjenjave të tyre. Ata ndihen të pranuar dhe të vlerësuar pranë teje, kështuqë dhe e pranojnë ftesën drejt krevatit tënd. Aftësia jote për të thënë atë që duhet dhe në momentin e duhur, është një tjetër e dhënë që ti ke dhe i bën njerëzit të dorëzohen në krahët e tua.
