Një 40-vjeçar është arrestuar në Tiranëm pasi ndodhej në një lokal i armatosur. Policia u informua se një person i armatosur ndodhej në një lokal dhe shkoi në vendngjarje ku bëri të mundur arrestimin e tij.
Gjatë operacionit, efektivët i sekuestruan armën e zjarrit dhe një sasi kokaine.
“Shërbimet e Sektorit për Hetimin e Narkotikëve në DVP Tiranë në vijim të punës për goditjen e paligjshmërive, bazuar dhe në inteligjencën informative se në një lokal në rrugën “Halit Bega” ndodhej një shtetas i armatosur, menjëherë kanë organizuar punën për kapjen e tij dhe kanë finalizuar operacionin policor të koduar “Klienti”.
Gjatë operacionit u arrestua në flagrancë shtetasi H. Q. (G)., 40 vjeç, banues në Tiranë.
Në rrugën “Halit Bega”, shërbimet e Policisë kanë lokalizuar shtetasin H. Q. (G) dhe gjatë kontrollit fizik të tij, shërbimet e Policisë gjetën dhe sekuestruan, në cilësinë e provës materiale, një armë zjarri pistoletë me krëhër e municion luftarak dhe sasi lënde të dyshuar narkotike kokainë”, njofton policia.
