Në mesin e serbëve të nisur drejt Beogradit për tubimin gjigand të mbështetje të presidenti Aleksandër Vuçiç, kishte dhe serbë të dërguar nga kompani të Kosovës.
Në një video të siguruar të publikuar nga Kosova Press, ata shihen duke tallur e provokuar shoferët shqiptarë me thirrjet “Kosova është Serbi”. Madje shkojnë deri aty, sa të shtrembërojnë historinë duke prekur dhe figurën e heroit tonë kombëtar, Gjergj Kastrioti. “Skënderbeu ishte serb”, bërtisnin ata.
Biseda:
Zoti ndihmoftë, Zoti ndihmoftë, Zoti ndihmoftë, Zoti ndihmoftë a kuptoni, nuk kuptoni si nuk e kupton serbishten. Flisni serbisht, nuk dini serbisht.
Nga je?
Nga Serbia, Kosova tokë serbe, rroftë Kosova, rroftë Serbia, Kosova tokë serbe , Perandori Dushan, Djuraç Kastriot – serb, Djuraç Kastriot, rroftë Djuraç Kastrioti, serbi Djuraç Kastrioti. Rroftë Serbia, rroftë Serbia, Kosova është serbe.
