Një nga firmat që ka pësuar rritje të konsiderueshme në tendera është firma “Bajrami N”, me pronar faktik një personazh si Nazif Bajrami , ndërkohë që k ompania ka në letra pronare ka shtetasen Anduena Bajramin, e cila ka qenë për vite me radhë nënkryetare e Bashkisë së Elbasanit.
Çuditërisht, që nga emërimi i zonjës Bajrami në atë post, firma xhiron dhjetëra miliona euro, ku kryesisht fiton tendera nga Bashkia e Elbasanit, Peqinit, Belshit, Librazhdit apo edhe Gramshit.
Pra, paratë mbeten brenda qarkut.
Madje, emrat e pronarëve që kanë qenë aksionerë në të kaluarën te kjo firmë janë edhe në raporte të policisë shqiptare apo atyre europiane.
Por, nëse fiton me lehtësi dhjetëra miliona euro, është influencë apo fat?
A mos ndoshta bëhet fjalë për krim dhe korrupsion, pasi lidhjet politike apo ato kriminale, mund t’a kenë ndihmuar?
Burime nga organet ligjzbatuese thanë për VoxNews se kanë nisur verifikimet e para për këto lidhje, teksa të dhënat janë të hapura dhe kushdo mund t’i verifikojë. Ashtu siç ka bërë redaksia jonë, e cila ka analizuar me dhjetëra kontrata të reja apo të vjetra që ka fituar kjo firmë.
Disa javë më parë, Bashkia e Elbasanit ka shpallur fituese firmën “Bajrami N” dhe firmën “STERKAJ”, ku e para ka 80 % e kontratës dhe e dyta 20 % për rikonstruksionin e përroit të Zaranikës.
Objekti i kontratës është “Rehabilitimi i pellgut ujëmbledhës të përroit të Zaranikës dhe Rikonstruksion i digës dhe shtratit të përroit të Zaranikës”.
Bëhet fjalë për lotin e parë, teksa buxheti është 153.736.608 lekë pa TVSH. Bashkimi i firmave fituese ofroi ofroi 104 milionë lekë.
Por, pavarësisht ofertave dhe vlerave, ajo që bie në sy në gjithë këto procedura është lehtësia me të cilën i fiton tenderët kjo firmë. Kryetari aktual i Bashkisë së Elbasanit, Gledian Llatja, nuk ka preferuar të firmosë për ish zëvendësen e tij, teksa ka auorizuar në këtë rast, nënkryetarin Asim Sula.
VoxNews shfletoi dokumentet e tenderëve të fituar nga kjo firmë, ku institucioni që kryeson është Bashkia e Elbasanit, me plot 35 procedura.
Vlera që kjo firmë ka fituar e vetme (pa bashkim operatorësh), sipas të dhënave të hapur nga Open Procurement, është plot 739.642.326 lekë.
Redaksia ka analizuar disa procedura, ku Bashkia e Elbasanit ka shpallur fituese këtë firmë. Një ndër to ka qenë procedura “sistemim asfaltim i rrugëve ‘Grigor Nosi’, ‘Xhafer Duhanxhiu’, ‘Hasan Kopili’ në lagjen 5 maji”, me një vlerë rreth 500 mijë euro.
Gjithashtu, është shpallur fituese edhe e tenderit rikonstruksion i shkollës së mesme “Kostandin Kristoforidhi” me një vlerë 130 milionë lekë, teksa kjo procedurë u analizua edhe nga Kontrolli i Lartë i Shtetit, ku gjeti dhjetëra abuzime.
Ndërkohë, “Bajrami N” ka fituar edhe procedurën rikualifikimi urban i parkut qendror Rinia, me një vlerë 208 milionë lekë.
Parku pas ndërtimit u shkatërrua dhe u deshën para shtesë që ta rivinin në punë. Goxha investim!
Firma ka fituar edhe tenderin e ndërtimit të sheshit “Valmi” me një vlerë 62 milionë lekë.
Nga e njëjta bashki fitoi edhe procedurën e instalimit të teknologjive të reja në stacionet e pompimit në sistemin Mengel-Samurr-Godolesh me një vlerë 56 milionë lekë.
Por, e vetme në garë ka fituar edhe plot 18 procedura në Bashkinë e Librazhdit, me një vlerë rreth 3 milionë euro.
Të jetë fat apo meritokraci?
Në dokumentet e analizuara nga VoxNeës, firma ka fituar tenderin sistemim asfaltim i rrugës së fshatit Spathar me një vlerë 83 milionë lekë, rregullimin e rrugës së fshatit Kokreve po me vlerë 83 milionë lekë.
Gjithashtu, edhe tenderin e përmirësimit të banesave ekzistuese për komunitete të varfëra dhe të pafavorizuara në vlerën e 34 milionë lekëve.
Firma ka fituar edhe tender në bashkitë e tjera të qarkut të Elbasanit, ku në Belsh ka fituar tenderin e banesave të shtresave t ëvarfëra me vlerë 37 milionë lekë, në rrogozhinë tenderin e rindërtimit të shkollës “Qamil Gjuzi” me vlerë 137 milionë lekë. Ndërkohë, në Peqin ka fituar tenderin e rregullimit të rrugës së fshatit Trash me vlerë 38 milionë lekë.
Redaksia jonë analizoi edhe tenderët e fituar nga Bajrami N në bashkëpunim me firma të tjera, ku ka dyshime se është favorizuar dukshëm.
Dokumenti i mësipërm është një tender i Bashkisë së Durrësit, ku përveç ofertës së firmave fituese “Bajrami N” dhe “Fusha” të gjitha të tjerat u skualifikuan. Bëhet fjalë për procedurën me objekt “rehabilitimi i sheshit publik pranë Mauzoleumit faza I”, me një vlerë 332 milionë lekë.
Këto firma ofruan 279 milionë lekë.
Por, “Bajrami N” ka fituar edhe tendera nga bashki të tjera, në bashkëpunim me firma të tjera. Ka fituar një tender nga Bashkia Dimal me objekt “ndërtim urat mbi lumin Osum” në bashkëpunim me dy firma të tjera “TOTILA” dhe “SHENDELLI” me fond 64 milionë dhe fitues me ofertë sa 99 $ të fondit limit.
Gjithashtu BOE ka fituar edhe tenderin e rikualifikimin e parkut “Aqif Pasha”, bashkë me firmën “BLERIMI” me vlerë 80 milionë lekë.
Ndërkohë, nga Librazhdi ka fituar tenderin e rehabilitimit të qendrës së qytetit dhe lyerjes së fasadave, bashkë me firmën IDI 2005 me vlerë 58 milionë lekë.
Bajrami N dhe Gjikuria kanë fituar tenderin me vlerë 209 milonë për asfaltim të rrugës 28 nëntori. Për këtë punë kanë “fituar” edhe shtesë. Gjithashtu shtesë kanë pasur edhe në tenderin “rikonstruksioni i urës së varur Polis-Vale”, me një vlerë të lartë.
Në Peqin, firma bashkë me Lluca shpk & Viante Konstruksion sfituan 47 milionë lekë për ndërtimin e pritave lumore dhe përforcimin e këmbëve të urës në shtratin e Lumit Shkumbin. Fituan edhe jashtë Elbasanit, në Berat një vlerë 17 milionë për rikonstruksionin e fasadave në hyrje të qytetit.
Madje, edhe në Tiranë fitoi tender bashkë me firmën “COLOMBO” me vlerë 146 milionë lekë, rikonstruksionin e shkolles 9 vjeçare “Shyqyri Peza”.
Brenda Elbasanit, firma “Bajrami N” dhe “Gele Zani” fituan 81 milionë për rikonstruksionin e rrugës automobilistike Skënderbegas.
Firma ka fituar edhe nga rindërtimi, ku në Tiranë operoi si BOE me firmën Zdravo për pallatet në lagjen 5 maji. Fituan një kontratë me vlerë 446 milionë lekë.
Firma “Bajrami N” ka pasur pronarë familjen Bajrami. Fillimisht ka qenë Nazifi dhe aktualisht është Anduena Bajrami, e cila ka qenë nënkryetare e Bashkisë Elbasan pas vitit 2013, pranë Qazim Sejdinit dhe më pas Gledian Llatja.
Por, edhe gjatë kohës kur gruaja ishte nënkryetare e Bashkisë Elbasan, bashkëshorti Nazifi merrte tendera nga Bashkia Elbasan.
Ndërkohë, disa media kanë publikuar edhe të dhëna se bashkëshorti i Anduena Bajramit ka qenë i sekduar, nga një shkresë e muajit dhjetor të vitit 2020.
Por, deri më sot nga organet ligjzbatuese nuk kanë bërë ndonjë operacion apo njoftuar për nisjen e hetimeve.
Krim, korrupsion, influencë apo fat Si po i fiton me lehtësi i famshmi Nazif Bajrami tenderët në Qarkun e Elbasanit! Kush është KOKA që rri në prapaskenë?! Krim, korrupsion, influencë apo fat Si po i fiton me lehtësi i famshmi Nazif Bajrami tenderët në Qarkun e Elbasanit! Kush është KOKA që rri në prapaskenë?! Krim, korrupsion, influencë apo fat Si po i fiton me lehtësi i famshmi Nazif Bajrami tenderët në Qarkun e Elbasanit! Kush është KOKA që rri në prapaskenë?!
