Gazetarja Anila Hoxha ka zbuluar detaje në lidhje me çështjen ndaj Erion Veliajt dhe vendimet e GJKKO ndaj tij.
Duke folur në ‘Breaking’ në Top News me Fiori Dardhën, Hoxha deklaroi ndër të tjera se Veliaj vijon të qëndrojë i vetëm ende në qeli në burgun e Durrësit.
“Përpos hetimit financiar, ka edhe një hetim administrativ nga Policia e Shtetit që i është kërkuar nga Gjykata plani i masave për dy tubime nga mbështetësit e Sali Berishës nga njëra anë, dhe po ashtu pse nuk ka pasur plan masash për tubimin nga mbështetësit e Erion Veliajt.
Veliaj vijon të qëndrojë i vetëm në qeli në burgun e Durrësit. Një ditë më parë ai është takuar nga vëllai i tij. Ndërkohë kam kërkuar dhe një përgjigje zyrtare nga Drejtoria e Burgut se ku e gjen telefonin për të bërë ato postime në rrjetet sociale, por më është thënë që si çdo i burgosur apo i paraburgosur, ka dhënë një listë numrash të personave që do të telefonohen. Ata i telefonon nga numri i paraburgimit, dhe siç duket ata përcjellin mesazhet e tij”, tha ajo.
Lexo edhe:
Hetimi për atentatin ndaj prokurorit! SPAK zbulon se Arjan Ndoja ka qenë disa herë shënjestër e atentateve
Veliaj reagon ndaj Berishës, por sulmon SPAK-un: Hetimi ndaj meje, një çorbë e prishur
Në burg për vjedhje, Nadir Causholli rrezikon jetën e shqiptarëve çdo ditë me autobus ë të shkatërruar, pse Veliaj nuk i heq licencën?
