Redon Makashi ka dhënë së fundmi një intervistë për “Goca dhe Gra”, ku mes të tjerash ka komentuar tregun muzikor shqiptar.
Ai është shprehur me shumë rezerva dhe thumba për brezin e ri të këngëtarëve duke thënë se po t’i dëgjosh duke kënduar live “të hapin barkun”.
“Në aktivitetet që bëhen për zgjedhjen e zërave të rinj ka elementë shumë të mirë. Një pjesë nuk ka lidhje me muzikën. Ata investojnë më shumë dhe bëhen të dëgjuar. Kur këta që dinë të këndojnë u mungon kompozitori që bën këngë për ta pasi nuk mund të këndosh gjithmonë covera.
Edhe kompozitorët kanë ngërç sepse i janë futur tregut për të mbajtur studiot e tyre dhe bëhet ky kompromis në heshtje. Ndoshta nuk duan ta bëjnë por tregu kërkon këtë “upsi dupsi, e të fitojmë ndonjë lekë’. Do punë që të bësh një këngë të bukur, është si bima që duhet ujitur për t’u rritur.
Dhe bëjnë gjënë më të shpejtë. Puna e këngës është gjëja më e thjeshtë për t’u bërë i njohur. Dhe nëse nuk nuk di të këndosh, po e bëre me kompjuter, bëhesh i famshëm, sepse transmetohesh më shpesh në televizione dhe blen klikime. Nëse këndojnë live mban barkun me dorë duke qeshur”, ka thënë Redoni.
