Edhe pse në Europianin që po zhvillohet në Gjermani, nuk arriti që të linte gjurmë për Kombëtaren Shqiptare të Futbollit, Mirlind Daku mund të bëjë hapin e madh në karrierën e tij futbollistike.
Sulmuesi i Kombëtares gjatë kësaj merkatoje mund të transferohet në Serie A, ndërsa duket se në kampionatin rus nuk ka më vend për të.
Rubin Kazan ka marrë ofertë zyrtare për shërbimet e Dakut. Cagliari është ekipi që kërkon sulmuesin shqiptar.
Sipas “Match TV” bëhet me dije se skuadra ruse ende nuk ka dhënë përgjigjen e saj, ndërsa nuk bëhet e ditur se sa është shifra e kësaj oferte.
Kujtojmë se 26-vjeçari me Rubin Kazan ka zhvilluar 33 ndeshje, ku ka arritur të shënojë 10 gola dhe të dhurojë 4 asiste.
Me ekipin rus Daku ka kontratë deri në qershor të vitit 2026.
