Kantautori dhe këngëtari i njohur, Flori Mumajesi ka ditëlindjen. Mirëpo, këngëtari ka publikuar një ‘story’, ku kujton nënën e tij të ndjerë.
Ai ndër të tjera shkruan se nëna e tij i mungon shyumë dhe asnjë urim nuk ia mbush dot shpirtin kur ai nuk ka një telefonatë nga nëna e tij.
“Sot u zgjova djersitur dhe sa bëra të çohem nga krevati më erdhi era Loke, era mushe, era mam, era që më ka rritur, era jetë, era që vdisja ta nuhasja duke zhytur kokën në qafë, era më e mirë në botë”, shkroi ai ndër të tjera.
“Nëpërmjet muzikës kam ndarë ndër vite copëza shpirti, prej kohësh nuk e bëj më, mbase prandaj e ndjeva kaq të nevojshme ta ndaja edhe aq shpirt sa më ka mbetur me këtë foto dhe pikërisht sot! Sot u zgjova djersitur dhe sa bëra të çohem nga krevati më erdhi era Loke, era mushe, era mam, era që më ka rritur, era jetë, era që vdisja ta nuhasja duke zhytur kokën në qafë, era më e mirë në botë. Më mungon është pak ta them, çdo ditë të kam para syve si luftove duke më shtrënguar dorën deri në frymën e fundit. Asnjë urim s’ma mbush dot shpirtin kur s’e kam një telefonatë nga ty, një mesazh! Më ike ditën që më linde mushe, nuk e di a është më ditëlindja ime në datën 23”, ka shkruar Flori.
