Ish-sekretari amerikan i shtetit Mike Pompeo, i cili ishte dje në një vizitë në Shqipëri, ka zbuluar edhe arsyen e vërtetë të këtij ‘fluturimi’.
Sipas tij qëllimi kryesor i një vizite që u prit dhe me ceremoni nga politikanët shqiptarë, ka qenë që të takojë komunitetin iranian që jeton në zonën e Manzës, ose siç njihet ndryshe dhe opozita e Iranit.
Pompeo shkruan në postimin e tij se muxhahedinë kërkojnë që të çlirojnë qytetet e Iranit nga regjimi që kanë në krye, ndërkohë që thirrja e ish-sekretarit vijon me hashtagun #Irani i lirë 2022.
“Udhëtova sot në Shqipëri për të folur me komunitetin iranian atje. Ata kanë të drejtë të rezistojnë dhe të punojnë për të ofruar atë për të cilën populli iranian po kërkon dhe po proteston: çlirimin e qytetarëve të Iranit nga zgjedha tiranike e regjimit. #Irani i lirë2022”, shkruan Pompeo në postimin e tij.
Gjatë vizitës në Tiranë, Pompeo u bë pjesë e disa konferencave, fillimisht me ministren Belinda Balluku, ku u nënshkruan dhe disa marrëveshje, me kompani amerikane të gazit, dhe më pas një një takim të organizuar nga Kuvendi, në kuadër të 100 vjetorit të marrëdhënieve diplomatike mes Shqipërisë dhe SHBA-ve.
Nuk mungoi as një foto kortezie me Enkelejd Alibeajn, për të cilën u akuzua si nxitëse ambasadorja amerikane Yuri Kim.
Nga ana tjetër, aktivistja Evi Kokalari, me njohje të vjetra me Pompeon, i cili ishte krahu i djathtë i Biden, tha se ish-sekretari është paguar për të ardhur në Shqipëri, ndërkohë që nuk pati asnjë takim me ish-kryeministrin Sali Berisha.
