Nga Gazeta Jonë
Emërimi i Mimoza Kaçit në krye të Autoritetit të Mbikëqyrjes Financiare (AMF) duket se ka konfirmuar shqetësimet e publikut se ky institucion është vënë plotësisht në shërbim të kartelit të sigurimeve, duke zhvatur qytetarët për interesat e grupeve të fuqishme.
Vendimet e fundit, veçanërisht rritja e çmimeve për policat e sigurimit të detyrueshëm të makinave, kanë ngjallur zemërim masiv dhe kanë hedhur dritë mbi ndikimin e kompanive private, si ato të Avni Ponarit dhe Shefqet Kastratit, të cilët duket se po përfitojnë direkt nga kjo situatë.
Rritja e tarifave për sigurimin, një barrë e rëndë për qytetarët që tashmë përballen me një krizë ekonomike, tregon qartë një orientim të AMF-së drejt mbrojtjes së interesave të këtyre kompanive në vend të qytetarëve.
Nën drejtimin e Kaçit, AMF duket se ka kthyer shpinën ndaj detyrës së saj për të siguruar transparencë dhe për të mbrojtur konsumatorët nga abuzimet e tregut.
Përkundrazi, vendimet e fundit duket se janë në favor të një grushti biznesesh të mëdha, duke përfshirë edhe ato të cilat prej kohësh janë përfolur për marrëveshje të fshehta dhe mungesë konkurrencë të ndershme.
Rritja drastike e çmimeve, që përfshin tarifa deri në 30-40% më të larta për grupmoshat e reja dhe kategori të tjera, nuk justifikohet nga asnjë analizë e tregut dhe tregon mungesën e një mbikëqyrjeje të drejtë.
Kjo situatë tregon një kapje të plotë të institucionit nga interesat private, ndërsa qytetarët mbeten të pambrojtur dhe të shfrytëzuar.
Kjo situatë ngre pyetjen e madhe: Kujt i shërben AMF? A është ky institucion një mbrojtës i konsumatorëve apo një zgjatim i interesave të grupeve të fuqishme si Ponari dhe Kastrati?
Nëse AMF dhe drejtuesja e saj vazhdojnë në këtë drejtim, besimi i qytetarëve jo vetëm që do të bjerë, por do të dëmtohet edhe më shumë stabiliteti i tregut të sigurimeve, duke e kthyer atë në një mjet për të zhvatur publikun./gazetajonë
Lexo edhe:
Del projektligji/Qeveria i bën nderin e radhës bosave të sigurimeve, si do të përfitojnë Shefqet Kastrati , Avni Ponari , Kadri Morina etj nga xhepat e shqiptarëve
Çfarë roli ka kreu i Doganës së Durrësit Denis Shabani në trafikimin e mbetjeve toksike dhe kush e mbështet bashkëshorten e tij Mimoza Kaçi në krye të AMF?
Po për 7 kullat e Shefqet Kastratit që po “hanë” Parkun e Liqenit pse nuk flet askush?
