Naftë pa taska miliarderëve, 200 lekë litri fermerëve: Dy jahte luksoze mbushen me karburant në Durrës

Pasditen e së martë janë ankoruar në Durrës Dy superjahtet e themeluesit të “WhatsApp”, Jan Koum janë ankoruar pasditen e të martës në Portin e Durrësit. Lajmi është bërë me dije nga Autoriteti Portual Durrës, e cila raporton se dy prej kalateve janë përshtatur për mjetet turistike deri në kthimin e portit aktual në Marinën turistike

Në Portin e Durrësit është ankoruar “Moonrise”, superjahtin motorik rreth 100m i gjatë, është një tjetër kryevepër e prestigjozit holandez Feadship, lançuar në vitin 2020. Po ashtu edhe superjahti tjetër “Nebula”, i cili ka dy vite që ka lancuar lundrimini ndërtuar nga Astilleros Armon dhe në renditjen botërore për jahtet më të mëdhenj, Nebula, renditet në numrin 339.

“Moonrise” kap vlerën e  rreth 220 milionë dollarësh dhe ka një shpejtësi maksimale lundrimi prej 19.5 nyje. Kapaciteti akomodues i këtij jahti është deri në 16 persona ndërkohë që ekuipazhi i tij ka 32 anëtarë. Ky superjaht përbëhet nga një superstrukturë alumini dhe ka një tonazh bruto prej 3945.0 GT.

“Moonrise” aktualisht lundron nën flamurin e Ishujve Kajman, shtet i dytë në botë për numrin e superjahteve, me 1408 jahte të regjistruara.

Në bordin e jahtit, që vjen nga Palma De Mallorca e Spanjës dhe është nisur drejt Venecia të Italisë, ndodhet edhe vetë Jan Koum. Ndërsa Jahti tjetër “Nebula”, po në pronësi të Koum, përdoret si anije ndihmëse për supermjetin lundrues kryesor.

Në njoftimin e Portit të Durrësit nuk bëhet me dije ankorimi i superjahteve, por me shumë mundësi ata kanë ndaluar për t’u furnizuar me karburant. Me vendimin e qeverisë shqiptare për heqjen e akcizës për karburantin për jahtet, ai do ta përfitojë naftën me një çmim prej 52 lekësh për litër.