Tensionet dhe debatet kanë shoqëruar seancën e sotme parlamentare minutat e fundit ku Berisha mori kohën e deputetit Ramadan Likaj për të folur në foltore rreth krizës energjitike.
Pasi zevëndëse-kryetarja e Parlamentit Ermonela Felaj, i fiku mikrofonin Berishës sepse i kishte mbaruar koha, Flamur Noka reagoi ashpër dhe ndërhyri duke iu drejtuar kryetares, por u ndalua nga trupat e gardës të cilët ndërhyjnë për të parandaluar përplasje fizike.
“Kush jeni ju që fikni mikrofonin dhe ndërprisni fjalën? Nuk ndodh kjo gjë, kemi hequr minutat tona”- iu shpreh Noka me tone të ashpra.
“Nuk kam ndërmend të lejoj fjalë mbi atë që parashikon rregullorja, zoti Noka ju tërheq vëmendjen për gjuhën e papërshtatshme ndaj kryetares së Kuvendit, zini vend e mos flisni pa radhë, uluni…”, u shpreh Felaj.
Lexo edhe:
“Kur ky shiste ikona të vjedhura në Paris, Kosova mbulohej me gjak”/ Tensione në Kuvend, Berisha bllokon foltoren, ndërhyn me shpejtësi Lindita Nikolla
Sulmi Balluku-Braçe ndaj Spiropalit zbret në Kuvend, Korreshi: Mos na e ndërprisni fjalën apo jo kanë tërhequr veshin?
FOTO/ Kryeson listën e shqiptarëve “Most Wanted” në Interpol , kush është Bedri Noka që Belgjika e kërkon me “kartelë të kuqe”
