Mbrëmjen e djeshme në Torino u zhvillua nata e dytë gjysmëfinale e Eurovisionit. Gjatë performancës të këngëtarit të San Marinos, emri i vërtetë i të cilit është Lauro De Marinis nuk munguan as puthjet. Por ato i këmbeu me kitaristin e tij.
Në një moment teksa këndonte dhe kërcente në mënyrë sensuale ai u afrua dhe puthi kitaristin e tij, duke kënduar më pas vargjet: Love is love! (Dashuria është dashuri)
Këtë vit, këngëtari që përfaqëson San Marinon me këngën e tij Stripper, kishte zgjedhur edhe një veshje tejet provokative, i mbuluar i gjithi me dantellë të tejdukshme.
Kete gjysmëfinale, janë kualifikuar: Belgjika, Çekia, Azerbajxhani, Polonia, Finlanda, Estonia, Australia, Suedia, Rumania dhe Serbia.
