Një deklaratë e Kejvinës teksa pranon se ka qëlluar me shpullë Luizin dhe deklarata preh gangsteri rruge e Amosit se do ta lidhte, do ta zhvishte lakuriq dhe pastaj do ta filmonte Luizin, kanë shkaktuar në stuhi në rrjet.
Gazetarja Fatma Haxhialiu duke dënuar ashpër atë që po ndodh sivjet në BBV, thotë se këta personazhe nuk janë më artistë, përkundrazi duken si një tufë të çmendurish që thonë lloj-lloj marrinash. Këta njerëz duhet të dalin jashtë thotë Fatma dhe s’e ka keq. Më shumë se shou BBV tashmë po i ngjan një lagjeje geto ku bëhen plane si të eliminohet kundërshtari.
“Gjuha e dhunës dhe e shantazhit janë të patolerueshme!!
Një artist që bën cubin dhe gangsterin si një ordiner, nuk është më as artist.
Kjo gjuhë urrejtjeje, këto mendime të tmerrshme nuk artikulohen as me shaka!!
Kjo nuk është më një loje dhe Amos e kushdo tjetër që thyen çdo limit, jo vetëm të asaj loje, POR LIGJOR E NJERËZOR, duhet të dalë urgjent nga ajo shtëpi.
Këto ditë kemi parë anën më të errët të njerëzve të mbledhur aty brenda;
disa që zgërdhihen si të çmendur dhe flasin lloj-soj marrinash, një tjetër që godet me shpullë e thotë nuk pendohem, tani edhe nxjerrja në mal lakuriq për ta xhiruar kundërshtarin????
Dhe kur këto i bëni dhe thoni para kamerave, para një publiku kaq të madh, çfarë bëni vallë jashtë kamerave?
Ju mund të mos jeni përfaqësuesit e kësaj shoqërie, ama jeni një pjesë e mirë e saj dhe është e mjerueshme që në 2023 flasim ende me këtë gjuhë”, shkruan Fatma.
