Kryeministri Edi Rama është shfaqur sot në Shpirag, ku vetëm pak kohë më parë u fol për zbulimin e një vendburimi nafte.
Rama shkruan se zbulimi i kryer në 6.1 km në thellësi të tokës naftëmbajtëse mbart sfidën e testit përfundimtar teknik të vlerësimit të qëndrueshmërisë së presionit të fluksit të gazit e të naftës, deri mbi sipërfaqen e tokës.
Ai uron fat dhe thekson se kjo përpjekje thuajse dhjetëvjeçare, po i afrohet orës vendimtare të së vërtetës.
POSTIMI I PLOTË
📍Sot në Shpirag, ku zbulimi i rëndësishëm i kryer 6.1 km në thellësi të tokës naftëmbajtëse, mbart bashkë me premtimin e madh të nxjerrjes së një pasurie të konsiderueshme për Shqipërinë dhe shqiptarët, edhe sfidën e testit përfundimtar teknik të vlerësimit të qëndrueshmërisë së presionit të fluksit të gazit e të naftës, deri mbi sipërfaqen e tokës. Në fund të këtij viti do ta mësojmë këtë, ndërkohë që po punojmë paralelisht për projektin e Fondit Sovran që do të administrojë këtë pasuri të madhe kombëtare, duke u nisur nga studimi i vëmendshëm i praktikave botërore të fushës, si fondet sovrane të Norvegjisë, Arabisë Saudite, Azerbajxhanit e me radhë🇦🇱🦅
Paçim fat tanimë kur kjo përpjekje thuajse dhjetëvjeçare, po i afrohet orës vendimtare të së vërtetës🙏
#VetëmPërpara➡️🇦🇱
