Partia me e madhe e opozitës shqiptare e Ali Ahmetit, Bashkimi Demokratik për Integrim jep alarmin për përjashtimin e shqiptarëve nga institucionet shtetërore në Maqedoninë e Veriut nga ana qeverisë Mickovski, duke rrezikuar seriozisht strukturën multietnike të këtij shteti.
BDI me anë të një deklarate bën të ditur se ka informuar zyrtarisht Bashkimin Evropian, Shtetet e Bashkuara të Amerikës, Mbretërinë e Bashkuar dhe partnerët e tjerë ndërkombëtarë për këto përjashtime në institucionet kyçe.
“BDI u bën thirrje Bashkimit Evropian, Shteteve të Bashkuara të Amerikës, Mbretërisë së Bashkuar dhe partnerëve të tjerë ndërkombëtarë, të cilët kanë luajtur një rol të rëndësishëm në ndërtimin e institucioneve gjithëpërfshirëse në Maqedoninë e Veriut, që të trajtojnë këto shqetësime përpara se të bëhen strukturore dhe të vështira për t’u rikthyer. Sigurimi i përfaqësimit të drejtë dhe shmangia e margjinalizimit institucional janë thelbësore për rrugëtimin e Maqedonisë së Veriut drejt një të ardhme të qëndrueshme, demokratike dhe evropiane.”
Më tej theksohet se këto veprime bien ndesh edhe me Marrëveshjen e Ohrit, me të cilën për më shumë se dy dekada është bërë përparim i rëndësishëm në integrimin e shqiptarëve, të popullit të dytë më të madh në vend në strukturat shtetërore.
Duke dhënë si shembull, për BDI-në situata duket alarmante ku në institucionet e mbrojtjes e të sigurisë mungojnë shqiptarë në pozicionet drejtuese.
Ndërsa në fushën e kulturës, ndarja e fundit e fondeve shtetërore tregon një mospërfaqësim të dukshëm të shqiptarëve, ku projektet shqiptare kanë marrë më pak se 12% të buxhetit, ndonëse shqiptarët përbëjnë mbi 29% të popullsisë së vendit.
Lexo edhe:
Bechetti po merr paratë kokërr më kokërr, bllokohen financiarisht institucionet e shtetit shqiptar: Si u “dogjën” dhjetëra miliona euro për tekat e politikanëve
Prokurorët e SPAK në SHBA, Departamenti i Shtetit: Të impresionuar nga puna e drejtësisë
Mafia e kredive po i zhvat shtëpitë shqiptarët, Genc Sejko i BSH në shërbim të tyre: Nga Micro Credit Albania te Final , i institucionet e mikrokredisë mashtruan qytetarët dhe u shitën banesat
