Shefi i Departamentit, Mirdaim Axhamii Marketingut të Fakultetit të Ekonomisë, i arrestuar në orët e para të mëngjesit të kësaj të shtune pasi goditi me grusht kolegen e tij, ish-deputeten Liljana Elmazi, nuk është një emër i panjohur për publikun.
Kjo pasi “bëmat” e tij tek Ekonomiku dhe sherret banale me kolegët në grupe WhatsApp-i janë normale për të.
Kështu, disa muaj më parë, Axhami u vendos në qendër të vëmendjes pasi iu publikuan disa mesazhe në një grup WhatsApp (Çunat FEUT) me kolegët e Ekonomikut ku shahej nga njerëzit e familjes dhe zihej për projekte me kolegun e tij, Gjergji Mulla.
Fillmisht sherri nisi për disa projekte dhe fonde, por që më pas gjithçka eskaloi. Axhami i drejtohet Mullas me fjalë fyese duke e sharë nga gruaja.
Një fjalor prej njeriu rruge dhe jo i një intelektuali ku prindërit shqiptarë i besojnë arsimimin e fëmijëve. Më pas në grup ndërhyrjnë dhe kolegë të tjerë që i kërkojnë të ndalojë së shkruari me fjalor rruge, por Axhami nuk di të ndalet.
Çfarë ndodhi në Fakultetin e Ekonomikut:
Të premten Mirdaim Axhami rikthehet sërish në qendër të vëmendjes pasi goditi me grusht kolegen e tij, Liljana Elmazi Billa.
Ngjarja ka ndodhur në një nga korridoret e Ekonomikut, ndërsa studentët kanë parë skenën pasi kanë dalë nga sallat e provimeve kur kanë dëgjuar ulërimat e Billës.
Ai u arrestuar në orët e para të mëngjesit, ndërsa raportohet se ai dhe ish-deputetja kanë pasur konflikte të vazhdueshme.
