Të paktën 11 persona kanë humbur jetën dhe 24 raportohet se kanë mbetur të plagosur nga një sulm me armë në Fakultetin e Arteve në Universitetin Charles të Pragës.
Autoritetet thonë se autori i ngjarjes është vrarë, ndërsa sipas disa raportimeve të pakonfirmuara, autori quhet David Kozak.
Lidhur me ngjarjen e rëndë ka reaguar edhe kryeministri i Çekisë Petr Fiala, duke thënë se janë anuluar të gjitha aktivitetet festive në vend, në shenjë zie për tragjedinë e rëndë.
Pamjet nga vendngjarja tregojnë disa studentë që kanë dalë në një bordurë të hollë mbi çatinë e universitetit në përpjekje për t’i shpëtuar vrasësit.
Motivet e ngjarjes së rëndë janë ende të paqarta.
Kozak hapi zjarr në katin e katërt të godinës së Fakultetit Filozofik në Universitetin Charles. Teksa disa studentët, për të shpëtuar nga zjarri, u ngjitën nga dritaret dhe u ulën në parvaz, njëra nga vajzat nuk mundi të rezistonte dhe u rrëzua duke humbur jetën.
