“Të frenosh pa shtypur frenat”, Rudina Magjistari sqaron shprehjen që u bë virale

 

View this post on Instagram

 

A post shared by TV KLAN (@rtvklan)

Rudina Magjistari: U bë viral në rrjet vetëm një fragment i asaj bisede që sigurisht është shumë në rregull, për të qeshur, le të qeshim, kemi nevojë edhe për të qeshur në situata stresi edhe të vështira, por mirë është që fjalitë ose fjalët të mos shkëputen nga konteksti. Unë dua edhe njëherë ta jap pikërisht atë fragment për të kuptuar se ç’do të thotë të frenosh pa shtypur frenat, të ulësh shpejtësinë pa shtypur frenat. Do të thotë të mos i japësh gaz makinës dhe automatikisht forca e fërkimit bën që dalëngadalë makina të ulë shpejtësinë e vet dhe të frenojë nëse ju e llogarisni që më herët mbërritjen në semafor apo në një destinacion ku ju doni të ndaloni. Le ta kujtojmë pak këtë moment për të kujtuar edhe njëherë se ka shumë mënyra për të kursyer secili brenda mundësisë së vet. Nëse do t’i riktheheni atij programi, ka edhe shumë këshilla të tjera, por unë dua të rikujtoj vetëm këtë moment për ta parë në kontekstin e saj të plotë se çfarë ka ndodhur dhe cila është këshilla edhe për ju të rinjtë zakonisht të cilët ndoshta edhe s’e keni shumë masën e kursimit dhe vetëm bëni shaka me pjesëza të shkëputura nga konteksti.