Janë larguar nga blloku i sigurisë makinat që shoqëruan kryebashkiakun Erion Veliaj tek “Mine Peza”.
Veliaj u arrestua me urdhër të SPAK në ambientet e Bashkisë Tiranë. Më pas ai u shoqërua nga agjentët e BKH-së tek blloku sigurisë.
Pasi kryebashkiaku u dorëzua tek “Mine Peza”, makina e drejtorisë së Policisë së Tiranës dhe ajo e Erion Veliajt u larguan nga ambientet e bllokut të sigurisë.
Gjithashtu është caktuar masë “arrest shtëpie” ndaj bashkëshortes së tij, Ajola Xoxa, e cila rezulton të jetë larguar drejt Romës më 8 Shkurt.
Me kërkesë të Prokurorisë së Posaçme, GJKKO ka lëshuar masa sigurie edhe për 5 biznesmenë, si të përfshirë në çështjan ku akuzohet kryetari i bashkisë së Tiranës, Erion Veliaj.
Bëhet fjalë për biznesmenët Gentian Sulën, Meriman Palushi, Fatmir Bektashi, Sokol Kryeziu dhe Shkëlqim Fusha. Këta biznesmenë njihen si përfitues të tenderëve nga Bashkia e Tiranës.
Prokuroria e Posaçme, më 27 Dhjetor 2024, njoftoi se ndaj Erion Veliajt kishte nisur hetim pas një kallëzimi të bërë nga një shtetas i vetëidentifikuar si Nesti Angoni.
Sipas SPAK, në lidhje me hetimet që kishin përfshirë kryebashkiakun e Veliaj dhe familjarë të tij, kishte të dhëna konkrete jo vetëm për “korrupsion pasiv”, por edhe për vepra të tjera penale si “korrupsion aktiv”, “pastrim parash” dhe “fshehje pasurish”.
Lexo edhe:
DOKUMENTI/ SPAK nis hetimin penal dhe pasuror për Erion Veliaj dhe familjen e tij, në rrjetë edhe vëllai Arbër Veliaj
Kontaktet me një kryeqytet europian, pse Kryemadhi kërkon me çdo kusht marrjen e celularit të bllokuar nga SPAK ?
FOTO LAJM/ Pas arrestimit Veliaj pritet të shkojë te Drejtoria e Policisë, Ilir Proda vendos një tendë që të mos duket
