Janë zbardhur detaje nga vrasja e ish-policit të burgjeve, Gentjan Bejtja ditën e sotme pranë banesës së tij.
Mësohet se vrasja e tij është kryer nga dy persona, të cilët dyshohet se i kanë hyrë drejt e në shtëpi, dhe më pas e kanë vrarë me breshëri kallashnikovi.
Ai u vra në pjesën e brendshme të banesës së tij, ndërsa e pranishme ka qenë vetëm e ëma, pasi familjarët e tjerë i ka jashtë vendit.
Edhe vetë Bejtja kishte kërkuar më herët azil në Norvegji dhe më pas në Suedi, por kërkesat e tij ishin refuzuar.
Sipas gazetares Klodiana Lala, ai nuk kishte shkelur prej kohësh në banesën e tij në Larushk, që pas atentatit të korrikut të vitit të shkuar, ku mbeti i vrarë kunati i tij, Ramazan Sino.
Prej atëherë, Bejtja nuk kishte takuar as fëmijët e tij të mitur, të cilët mbetën të plagosur nga ngjarja.
Që pas atentatit, policia ishte vënë në kërkim të Gentian Bejtjas për ta shoqëruar dhe marrë në pyetje. Ai dyshohej se fshihej në një bazë në Shëngjin.
Me sa duket, kundërshtarët ishin të vendosur për ta eliminuar me cdo kusht ish-efektivin e burgjeve. Policia është vënë në ndjekje të autorëve, të cilët mendohet se janë vrasës profesionistë. Bejtja njihet për përplasje të forta me vëllezërit Valter dhe Durim Bami dhe Marklen Hakën.
Ndër të tjera, raportohet se është gjetur një makinë e djegur pranë vendit ku dyshohet se është ekzekutuar Bejtja
