Emisioni “Review” në Euronews Albania ka siguruar pamjet nga bizneset afër intinerarit ku Laer Kurti u kap nga policia më 20 tetor.
Nga videot shihet se 32-vjeçari ishte duke folur në telefon.
Ekskluzivisht në “Review” ishte në një lidhje nëna e Lear Kurtit, Fatmira e cila për Euronews Albania konfirmoi se telefonata ishte mes saj dhe të birit.
“Personi sapo e konfirmoi e ëma që ishte duke folur me të ëmën në telefon. Pra, në atë moment, pavarësisht nga orari ai po komunikonte me një familjar. E dyta duhet të merren komunikimet e punonjësve të policisë, qoftë me radio, qoftë me telefon, me kë kanë komunikuar, çfarë informacioni i kanë dhënë sallës operative dhe çfarë udhrash kanë marrë,” – tha eksperti për rendin publik, Fatjon Softa.
Ai analizoi se këto dy elementë do ndihmojnë të kuptohet kronologjia e situatave.
Ndërkohë që sipas ekspertit është e rëndësishme të vlerësohet nëse lënda narkotike brenda qeses me përmasa 5×5 që thuhet se është gjetur brenda organizmit të Laerit, pati kohë të depërtojë aq sa për të shkaktuar një vdekje nga mbidoza.
