Më tetë nëntor, Grida Duma përmes një deklarate njoftoi largimin nga politik duke dorëzuar mandatin e deputetes.
E ftuar mbrëmjen e sotme në “Goca dhe Gra”, Duma ka treguar përballjen e saj të parë me botën e televizionit dhe moderimin.
Ajo ka treguar se çdo gjë ndodhi shumë shpejt, megjithatë pjesa më e vështirë për të mbetet përfshirja në debate politike, gjë e cila për të është një sfidë.
“Nuk do të bëhem ndonjëherë plotësisht kolege në media por trendi i ri mund të thuhet me pak mungesë modestie e kemi krijuar nga politika në media. Por është një gjë që ndodh. Ndodhi gjithçka shumë shpejt, në mes të javës bëra deklaratën e lënies së mandatit dhe të hënën kam hyrë në emision. Lëvizja ishte e vështirë sepse në politikë shikohesh si një individ i cili duhet të qëndrosh me lidership të fortë duhet ët japësh qëndrime goditëse. Media kërkon tjetër lloj menaxhimi e argumentimi dhe vështirësia ime është që duhet të heq dorë nga mbajtja e qëndrimeve. Është bërë e personalizuar hapësira e komunikimit virtual. Këtë gjë e ka pësuar edhe politika, dëgjohet më shumë kush se sa çfarë.
Është shumë e bukur kur njerëz që e njohin komunikimin e thonë që më shkon. Media më ka ardhur rrotull në vite por vendimi për të shkuar në media ishte totalisht i imi. Aty bëhet shumë politikë, ndonjëherë edhe më shumë se në parlament. Logjika e kimisë është se unë dua të njëjtin debat që do të kisha bërë vetë.”-u shpreh Grida Duma.
Por a eshte penduar se e la mandatin ne gjys? Ajo thot jo.
Duma: Kam bërë gjënë më të mirë, mendoj që kam ndërtuar një model që nuk ka asnjë arsye që nuk kanë pse të shkojnë kot as jetët tona, as jetët e të tjerëve duke gënjyer në afatgjatë, kështu po mendoj që po të kisha qëndruar atje nuk do të ishte një angazhim i madh por një mashtrim i madh.
