Pas më shumë se një viti nga zhdukja e saj, familjes së adoleshentes shqiptare, Artemis, i ka mbërritur një letër misterioze, përmes avokatit.
“Artemis është gjallë”, është ky mesazhi që i është dërguar përmes një letre anonime avokatit të familjes së Artemisit.
Personi misterioz shkruan se vajza është gjallë dhe se mbahet nga dy vrasës kundër dëshirës së saj që e zhvendosin herë pas here duke zhdukur gjurmët.
“Kushtojini vëmendje këtij informacioni, është serioz. Artemis Vasilis është gjallë. Ajo po mbahet kundër dëshirës së saj nga dy burra.
Herë pas here ajo transferohet në një lokacion tjetër dhe një lëvizje e tillë ishte bërë pak ditë më parë për faktin se çështja ishte rihapur dhe shfaqur në kanale”, shkruhet në letër.
Ditën kur ajo u zhduk, ajo u pa duke pritur në stacionin e dytë të Atikës në Koropi.
