Fqinjët e Marjeta Karajt, kanë reaguar pas arrestimit të kësaj të fundit për vrasjen e 61-vjeçarit Menduh Kurt-Deda.
Fqinjët janë shprehur se ajo ishte e qetë dhe se e gjitha iu dukej e pabesueshme, por Karaj e ka pranuar vet ngjarjen.
“Goc e mirë, goc e urtë. Nuk e kam dëgjuar për një llaf të keq, s’ka pasur konflikte” – shprehet njëri prej tyre.
“Njihet për grua e mirë, jemi habitur kur e kemi dëgjuar, s’ka pasur konflikte. Tani jeton me burrin dhe gocën, ka nja 20 vjet që e njihja”, tha fqinji tjetër.
Shkaku i vrasjes së Menduh Kurt-Dedas, ka qenë një borxh prej një milionë lekësh të rinj dhe pasi është futur me forcë në automjet nga tre autorët në zonën e Alliasit, dhe më pas është çuar në një zonë pyjore, në Kodër-Shupal ku e dhunuan e lidhën me litar dhe më pas e dogjën të gjallë.
