Një bari ka ndërruar jetë ditën e sotme pasi dyshohet se është goditur nga rrufeja.
Ngjarja e rëndë ka ndodhur në Gramë të Dibrës, ku sipas policisë, 70-vjeçari kishte dalë për të kullotur bagëtitë.
Hetimet vijojnë për përcaktimin e plotë të shkaqeve të vdekjes së tij.
“Rreth orës 15:30, në bjeshkët e Gramës në Dibër, shetasi R.K., rreth 70 vjeç, duke kullotur bagëtitë, dyshohet se është goditur nga shkarkesa elektrike (rrufe) dhe për pasojë ka humbur jetën.
Grupi hetimor nën drejtimin e Prokurorisë vijon punën për zbardhjen e plotë të rrethanave të ngjarjes”, njofton policia.
