“Edhe një tjetër Rozi, Noizy kryevepër.” Kjo është një nga frazat që bëri namin në vitin 2010. Bëhet fjalë për bashkëpunimin e Rozana Radit dhe Rigels Rajkut, i cili shënoi një sukses në fillimet e karrierës së tyre.
Sot që ka kaluar më shumë se një dekadë, pas rregullimit të marrëdhënies së tyre fansat janë në pritje të një tjetër bashkimi të dyshes.
E pikërisht këtë dëshirë të tyren e nxiti akoma dhe më shumë disa foto të postuara së fundmi nga Rozana, ku duket së bashku me Noizyn në një tryezë të madhe.
“E bërë mirë,”-shkruan këngëtarja krahas imazheve.
Të menjëhershëm kanë qenë komentuesit të cilët në seskionin e komenteve kanë shprehur dëshirën për një tjetër bashkëpunim.
Vite më parë Rozi dhe Noizy ishin një dyshe shumë e dashur dhe sollën dy këngë bashkë. Por, gjërat u duke se ndryshuan dhe ata nuk u panë më bashkë. Madje, në një intervistë në 2017 e pyetur nëse i njeh këngët e Noizyt ajo tha:
“Nuk jam e dhënë pas hip hop, por e dëgjoj. Më pëlqejnë këngët që ka nxjerrë Noizy kohët e fundit. Ne e kemi nisur më para muzikën, unë shumë kohë më para por edhe Noizy kishte këngë para se të këndonim bashkë, por boom-in e madh e patëm të dy bashkë. Ndaj në rep di vetëm dy këngë të Noizy-t, ato që ka bërë me mua”.
