Tre persona janë arrestuar dhe dy të tjerë janë shpallur në kërkim pasi u konfliktuan me një 48-vjeçar në lagjen nr. 18, Durrës.
Ata e kanë goditur Gentian Zenelin, me sende të forta dhe gjithashtu njëri prej tyre ka qëlluar me armë zjarri në ajër, konkretisht kallashnikov, informoi sot policia.
Sipas njoftimit të bluve të arrestuarit janë Gentian Zeneli, Jolanda Zeqiri dhe Spiro Shore, për moskallëzim të krimit.
Njoftimi i policisë:
Në vijim të veprimeve hetimore, janë vënë në pranga shtetasit:
Gentian Zeneli, 48 vjeç, banues në Durrës, për veprën penale “Moskallëzimi i krimit”.
Spiro Shore, 38 vjeç, banues në Durrës, për veprat penale “Veprime qe pengojnë zbulimin e se vërtetës” dhe Moskallëzimi i krimit”.
Jolanda Zeqiri, 26 vjeçe, banuese në Durrës, për veprën penale “Veprime që pengojnë zbulimin e së vërtetës”, thuhet në njoftim.
Ndërsa në kërkim janë Hamdi Llana dhe Klajdi Senko, të cilët pas konfkliktit janë larguar me shpejtësi me një automjet, thuhet më tej në njoftimin e policisë.
Materialet procedurale i kaluan Prokurorisë Durrës, për veprime të mëtejshme. /gazetajonë
