Një grua 60-vjeçare, e cila është në kërkim të dashurisë, shpeshherë ka gënjyer për moshën e saj në profilin e faqeve për takime. Edhe pse ka thënë se është më e vogël se 60 vjeç, sërish njerëzit nuk e kanë besuar.
Duket se për Eudora Okoro nga Wirral koha ka ndaluar për të. Ajo duket kaq e re dhe nuk ka ndryshuar aspak gjatë këtyre viteve.
Madje Eudora u largua edhe nga një markë bukurie që po kërkonte modele në të 50-at dhe 60-at për një fushatë të re kundër plakjes, pasi pamja e saj vajzërore ishte “shumë e mirë”.
Mësuesja e kërcimit e njëkohësisht edhe Dj, këmbëngul se kurrë nuk ka bërë ndonjë operacion plastik ose botoks. Por sipas Liverpool ECHO, 60-vjeçarja nuk ka qenë gjithmonë aq e sigurt në lëkurën e saj dhe luftoi kur ishte më e re.
“Kur isha adoleshente, e urreja të isha shumë e dobët. E urreja vërtetë pasi haja të gjitha llojet e gjërave që të bëhesha pak më e madhe. Më kujtohet që babai im bëri një koment që më mbeti në mendje. Ai më tha ‘mos u shqetëso, edhe nëna jote ishte e dobët derisa mbushi të 30-at, pastaj ndryshoi’”, ka thënë e moshuara për ECHO.
E teksa ajo po rritej, pamja e saj vetëm u përmirësua. Njerëzit gjithandej e komentonin vazhdimisht për bukurinë dhe sa bukur duket për moshën e saj. Madje shumë nuk e besonin se ishte 60 vjeç dhe i kërkonin që të shikonin kartën e identitetit.
Ndërkohë që kur burri i saj 52-vjeçar, Paul, vdiq në vitin 2019, Eudora është sërish e hapur për lidhje të reja. Por pamja e saj kaq e re ia ka vështirësuar paksa punën.
“Kam pasur shumë meshkuj shumë më të rinj që më kanë kontaktuar, disa që janë 19 apo 20 vjeç. Shumë prej tyre mendojnë se po i gënjej kur ju them moshën. Kam arritur në pikën ku e kam ulur moshën time me 10 vjet – por njerëzit ende nuk më besojnë kur zbuloj moshën time aktuale. Fillova t’i pyes të rinjtë pse më dërgojnë mesazhe, thjesht nga kurioziteti dhe shumë prej tyre thonë se është bukur të shohësh ‘bukuri natyrore’”, ka treguar 60-vjeçarja.
Çdo mëngjes, Eudora pi një lëng të freskët me fruta dhe perime. Gjithashtu ajo i përmbahet një diete me bazë bimore. Ajo gjithashtu pi dy litra ujë dhe ushtrohet çdo ditë.
