Në seancën e sotme plenare të Kuvendit, teksa po diskutohej kredia 40 milionë euro që qeveria do të marrë për HEC-in e Fierzës, kryetarja e LSI-së, Monika Kryemadhi i kërkoi edhe njëherë SPAK-ut hetim për inceneratorët, për t’i shkuar deri në fund.
“Sikur tha Xhevati te filmi, “njeriu gëlltit diku një lugë çorbë të prishur dhe e vjell tërë jetën” dhe inceneratorët, po s’e çuat deri në fund, do u bëjë të villni gjithë jetën” tha ajo.
Në fund të fjalës kishte një replikë me ministren e Rinisë, Bora Muzhaqi për shpresën e të rinjve në atdheun e tyre.
“Duhet të kuptosh që një i ri që do të kandidojë për deputet, një partie i kushton një votë 100 euro dhe një të riu i duhen 1 mln euro për të qenë në parlament, por nuk ka as 200 euro në xhep, por i hipin kamionëve për të qenë rojtarë të shtëpive të barit në Angli apo Spanjë dhe vajzat eskorta të kriminelëve” tha Kryemadhi.
