Dashi
Përgatituni për gjëra të rëndësishme gjatë kësaj dite që në fakt as vetë nuk i kishit parashikuar se do ju ndodhnin. Nëse keni një lidhje në jetën tuaj në çift ka për të ndodhur një revolucion i vërtetë. Gjithçka do ndryshojë rrënjësisht dhe do ndiheni shumë më të qetë se më parë. Ju beqarët do filloni aventura kalimtare të cilat do sjellin emocione shumë të veçanta. Në punë do bëni përpjekje galoponte dhe keni për të arritur shumë lart. Rivaliteti do jetë i fortë, por ju sërish do ja dilni mbanë me sukses. Stres do keni, por kjo nuk do ju bëjë më pak të përgjegjshëm. Në planin financiar gjendja do jetë e mirë, pasi disa të afërm do iu japin mbështetjen e tyre. Pranojeni pa u menduar dy herë.
Demi
Nëse keni menduar të bëni diçka, por po prisni momentin e duhur për të vepruar bëjeni sot. Do jetë pikërisht momenti i duhur që mund t’iu sjellë suksesin e madh. Ju të dashuruarit keni për të kaluar një ditë pozitive. Do merreni vesh me atë që keni në krah dhe kënaqësitë do jenë të njëpasnjëshme. Ju beqarët nuk do jeni ende gati për të filluar një lidhje dhe nuk do pranoni asnjë ftesë që do ju bëhet. Në punë do e përballoni më së miri edhe ngarkesën, edhe kolegët stresues edhe shefat kërkues. Qëllimi juaj është të arrini atë që keni programuar pavarësisht sfidave. Buxheti nuk do jetë aspak ashtu si keni dashur. Kujdes me çdo hap që do hidhni sepse mund të mbeteni pa para.
Binjakët
Dita e sotme do duket e gjatë dhe do ketë shumë momente reflektimi. E mira është që të merrni edhe disa vendime. Nëse keni një lidhje, nuk duhet absolutisht të qëndroni në qetësi dhe ta lini rutinën t’iu pushtojë sepse nuk do dilni dot prej saj. Nëse jeni beqarë do keni mundësi reale për të filluar lidhje serioze dhe afatgjata. Shumë gjëra do ndryshojnë në jetën tuaj tashmë. Në punë do kërkoni të bëni gjëra të mëdha, por rivaliteti i fortë do ju pengojë paksa. Mos u nxitoni dhe mendoni të gjeni mënyrat e duhura për të vepruar. Financat do vazhdojnë të mbeten të mira sepse do dini si t’i menaxhoni të ardhurat që keni nëpër duar.
Gaforrja
Gjatë kësaj dite do i bëni gjërat ashtu si duhet dhe do ecni me bindje të plotë drejt rrugës së duhur. Nëse jeni në një lidhje dhe keni disa kohë bashke do përjetoni një rikthim të pasionit dhe emocionet do shtohen. Nga ana tjetër do flisni edhe për tema delikate me njëri-tjetrin, pa arritur në debate. Nëse jeni beqarë ka mundësi të takoni një person vërtet me vlera. Në punë, më në fund do keni më shumë vullnet dhe guxim. Mund të tentoni të bëni edhe gjëra të reja që dikur i mendonit të paarritshme. Financat do fillojnë të stabilizohen disi për shkak të lëvizjeve të kujdesshme që do kryeni.
Luani
Venusi do ju bëjë më të aftë për t’u shprehur gjatë kësaj dite dhe do iu jepni prioritet gjërave më të rëndësishme në jetë. Nëse keni një lidhje, jeta juaj sentimentale do jetë goxha e mirë. Nuk do e lini asnjë çast pas dore partnerin dhe do kaloni momente fantastike pranë tij. Ju beqarët do e shfrytëzoni në pafundësi lirinë tuaj dhe do flirtoni me cilindo që do ju pëlqejë. Lidhje nuk do keni, por do ndihen mjaft mirë. Në punë gjërat do zhvillohen në kushtet më të mira. Eprorët do ju inkurajojë dhe do ju nxitin të ecni para pavarësisht ndonjë gabimi të vogël që mund të bëni. Ka mundësi të zgjidhni edhe disa dilema. Me shpenzimet tregohuni të logjikshëm dhe nuk keni për të pasur vështirësi.
Virgjëresha
Edhe pse do keni ndryshime të shpeshta humori gjatë kësaj dite sërish do arrini ta përmbani veten në momentin e fundit dhe nuk do bëni gabime të mëdha. Tek ju të dashuruarit Mërkuri do jetë planeti që do ndikojë më shumë. Ai do ju nxitë të flisni më tepër me partnerin dhe të bashkëpunoni. Ju beqarët duhet t’i shprehni sa më shumë ndjenjat tuaja sepse po nuk e bëtë personat që pëlqeni do ju ikin nga duart. Në punë do jeni më të gatshëm për të diskutuar me shefat dhe kolegët dhe për të bërë më të mirë për projektin që keni nisur. Për çdo gjë ka një zgjidhje. Gjendja e financave do fillojë të konsolidohet tej mase. Do i shlyeni edhe borxhet e marra.
Peshorja
Gjatë kësaj dite duhet të mësoni të refuzoni disa gjëra sepse në të kundërt do linë tensioni i madh dhe nuk do ju vini dot fre. Ju të dashuruarit do keni probleme të njëpasnjëshme me partnerin tuaj dhe do ndiheni shumë keq së bashku. Më mirë do jetë të qëndroni pak kohë larg njëri-tjetrit dhe të qartësoni mendimet si duhet. Nëse jeni beqarë do ndiheni të lirë të bëni çfarë të doni dhe mund të gjeni personin e ëndrrave. Në punë, marrëdhënia me eprorët nuk do jetë e kënaqshme. Do ndiheni të stresuar dhe mezi do hidhni hapat që duhet. Në planin financiar do jeni me fat. Gjendja do përmirësohet tej mase dhe do hiqni edhe para mënjanë.
Akrepi
Gjatë kësaj dite yjet do ju ndihmojnë t’i thelloni edhe më shumë marrëdhëniet mes familjarëve dhe kolegëve të dashur. Çdo moment për ju ka për të qenë i bukur. Për ju të dashuruarit do ketë çaste të ngrohta dhe harmonike Do përjetoni emocione nga më të ndryshmet dhe nuk do doni të shkëputeni për asnjë moment nga partneri. Ju beqarët nuk duhet të kërkoni asgjë me ngulm, por do bëni mirë t’ia lënë gjërat kohës. Në punë nuk do i bëni gjërat me nxitim dhe kjo do ju lejojë të kapni edhe detajet më të vogla. Asgjë e keqe nuk ka për t’iu ndodhur. Financat do jenë shumë të paqëndrueshme dhe nuk do arrini dot as të kryeni shpenzimet më të nevojshme.
Shigjetari
Gjatë gjithë kësaj dite do dini të gjeni zgjidhje për të gjitha problemet që keni pasur dhe do vazhdoni të jeni me humor të mirë. Nëse keni një lidhje pasioni do e pushtojë jetën tuaj he emocionet do jenë gjithmonë në rritje. Në disa momente nuk do e besoni aspak që jeni në realitet. Ju beqarët duhet t’i hapin portat e zemrës pasi sot mund të ketë dashuri me shikim të parë. Në punë do jeni të hapur edhe për kritika. Më e rëndësishmja për ju është të arrini objektivat që i keni vënë vetes. Jupiteri do përkujdeset ne çdo moment për financat dhe gjendja do ketë përmirësime të konsiderueshme.
Bricjapi
Klima në jetën tuaj do jetë e ngrohtë sot dhe do jeni më të gatshëm për negociata. Në përgjithësi buzëqeshja do jetë ajo që do mbizotërojë në fytyrën tuaj. Nëse keni një lidhje do bashkëpunoni për gjithçka me partnerin dhe do flisni edhe për çështje delikate të së shkuarës. Do kaloni më tepër kohë me atë që keni në krah dhe do përkujdeseni edhe për detajet më të vogla. Ju beqaret do preferoni të shfrytëzoni çdo mundësi për njohje, por pa hedhur hapa më tej. Në punë do merrni mbështetjen e duhur nga kolegët dhe do ndiheni gati të përmbysni çdo gjë që ju ka penguar. Në planin financiar do keni fat me shumicë. Gjendja do përmirësohet akoma më shpejt nga sa ju mendonit.
Ujori
Dita e sotme ka për të qenë e qetë dhe pa probleme. Do bëni ato që do ndieni. Nëse keni një lidhje, jeta juaj sentimentale do jetë përgjithësisht e kënaqshme. Do jeni të kuptueshëm me partnerin dhe mund ta toleroni pak më tepër nga zakonisht. Ju beqarët do bëni mirë të mos e ngatërroni punën me dashurinë sepse mund të keni probleme me vonë. Në punë do jeni më kompetentë për detyrat që do iu jepen dhe më të duruar. Pak nga pak keni për t’iu afruar objektivit përfundimtar. Për financa më të mira duhet të kufizoni shpenzimet dhe të mos fiksoheni pas lojërave të fatit. Nëse i bëni këto gjendja do jetë e qëndrueshme.
Peshqit
Gjatë kësaj dite do dini përherë si dhe kur të flisni. Do jeni edhe mjaft optimistë dhe atë do ua tejçoni edhe të tjerëve. Nëse keni një lidhje, përmirësimi i jetës tuaj që ka filluar kohët e fundit do vazhdojë edhe gjatë kësaj dite. Mosmarrëveshjet do jenë pjesë e së shkuarës për ju. Për ju beqarët nuk do përkujdeset veçanërisht asnjë planet, kështu që duhet t’i merrni vetë në dore frenat e gjërave. Në punë do filloni projekte të reja dhe nuk do ju mungojë aspak frymëzimi. Do reflektoni përherë me kujdes dhe asgjë nuk do ju duket e vështirë. Financiarisht do jeni të favorizuar. Përfitoni nga kjo për të përmbyllur disa çështje të rëndësishme.
