Ditën e sotme Gjykata e Lartë ka vendosur që të mos pranojë rekursin për heqjen e sekuestros për inceneratorin e Tiranës.
Vendimi u mor nga kolegji i përbërë nga gjyqtarët Ilir Panda, Sokol Binaj dhe Sandër Simoni.
Avokatët e kompanisë koncesionare kërkuan heqjen e sigurimit pasuror “sekuestro preventive” për “Integrated Energy BV S.P.V” sh.p.k së bashku me të gjitha pasuritë e paluajtshme dhe të luajtshme në pronësi të tij. Inceneratori i Tiranës u sekuestrua nga Prokuroria e Posaçme kundër Korrupsionit dhe Krimit të Organizuar, në gusht të 2023.
Sipas SPAK gjatë hetimeve rezultoi se Klodian Zoto dhe Mirel Mërtiri janë pronarët “de facto” të shoqërisë “Integrated Energy B.V SPV” sh.p.k, e cila ka fituar kontratën koncesionare. Zoto dhe Mërtiri janë në kërkim.
