Plehrat kapicë, inceneratori i Elbasanit nën ” sekuestro ” vijon tenderat e çmendur: 24 milionë lekë për llampa
Nga muaji mars inceneratori i Elbasanit ka hapur 13 tendera. Opozita akuzon se impianti i trajtimit të mbetjeve nuk punon dhe se plehrat janë kapicë buzë Shkumbinit. Sot shoqëria aksionere “Eco-Elb” e drejtuar nga Leli Kaja dhe ku bëjnë pjesë bashkia e Elbasanit, Cërrikut, Përrenjasit, Gramshit, Belshit dhe Librazhdit ka hapur një tender 24 milionë lekë për të blerë shtylla, llampa dhe neone, pra ndriçues.
Fituesi shpallet javën tjetër. Por fakti është që ky incenerator, që ka gllabëruar miliona euro dhe për këtë dosje janë brenda ish-ministri Lefter Koka, ish-deputeti Alqi Bllako dhe shumë zyrtarë dhe ish-zyrtarë të tjerë vazhdon që të marrë miliona nga xhepat e taksapaguesve të qarkut të Elbasanit dhe deri tani nuk ka nxjerrë gjë në dritë.
